kiara advani announces baby girl name : बॉलिवूड अभिनेत्री कियारा अडवाणी आणि अभिनेता सिद्धार्थ मल्होत्रा यांनी चाहत्यांना एक आनंदाची बातमी दिली आहे. त्याच्या मुलीची एक झलक पाहण्यासाठी चाहते आतुरतेने वाट पाहत होते. आता चाहत्यांची प्रतीक्षा संपली आहे. त्याने आपल्या मुलीचे नावही जाहीर केले आहे. कियारा आणि सिद्धार्थने एक अतिशय क्यूट पोस्ट शेअर केली आहे. कियाराने एक फोटो शेअर केला आहे ज्यात सिद्धार्थ आणि तिने बाळाचे पाय हातात धरले आहेत. बाळाने तेच मोजे घातले आहेत जे तिने गर्भधारणेच्या घोषणेच्या वेळी फोटोद्वारे शेअर केले होते.
आता कियाराने लेकीचे फोटो शेअर करत असे लिहिले की, “आमच्या प्रार्थनेपासून, आमच्या हातांपर्यंत, आमचे दैवी आशीर्वाद, आमची राजकुमारी. सरायाह मल्होत्रा (Saraayah). कियारा आणि सिद्धार्थ यांनी त्यांच्या मुलीचे नाव खूप वेगळे ठेवले आहे. सरायाह हा हिब्रू शब्द आहे ज्याचा अर्थ राजकुमारी असा होतो. हा अर्थ बायबलमध्ये देखील आढळतो. बायबलनुसार, या शब्दाच्या नावाचा अर्थ यहोवाचा सैनिक असा होतो.
आणखी वाचा – ‘मिर्झा एक्सप्रेस’ फेम मिर्झा रफी अहमद बेग यांचे निधन, वयाच्या ६८व्या वर्षी घेतला अखेरचा श्वास
कियारा अडवाणीने १६ जुलै २०२५ रोजी एका मुलीला जन्म दिला होता. सिद्धार्थने सोशल मीडियावर पोस्ट शेअर करुन आपल्या मुलीचा पिता बनल्याची माहिती दिली होती. आता त्यांनी आपल्या मुलीचे नाव उघड केल्याने लोक त्यांचे खूप अभिनंदन करत आहेत. एका चाहत्याने लिहिले, “सुंदर नाव, शेवटी एक सुंदर मुलगी सरायाह. दुसऱ्याने लिहिले, “सरायाह, किती सुंदर नाव आहे”.
आणखी वाचा – धर्मेंद्र यांच्या प्रार्थना सभेला हेमा मालिनी आणि दोन्ही मुली नव्हत्या; सनी व बॉबी देओल झाले भावुक
वर्क फ्रंटबद्दल बोलायचे झालेतर, कियारा शेवटची ‘वॉर २’ मध्ये दिसली होती. बाळाच्या जन्मापासून कियारा मीडियापासून दूर राहिली आहे. दिवाळीनिमित्त तिने तिचे फोटो शेअर केले होते ज्यात ती पूर्वीसारखीच दिसत होती. तिने आपले वजन कमी केले आहे.
