siddharth malhotra kiara advani baby girl : बॉलिवूडचे प्रसिद्ध जोडपे अभिनेता सिद्धार्थ मल्होत्रा आणि कियारा अडवानी आता आई-बाबा झाले आहेत. पालक झाल्याची आनंदाची बातमी त्यांनी देताच चाहत्यांसह अनेक कलाकार मंडळी, कुटुंबीय यांनाही आनंद झाला आहे. कियारा व सिद्धार्थ छोट्या राजकुमारीचे पालक बनले आहेत. १५ जुलैच्या रात्री कियाराने चिमुकल्या मुलीला जन्म दिला. आता बुधवारी, १६ जुलै रोजी सिद्धार्थ आणि कियारा या दोघांनीही सोशल मीडियावर घोषणा केली आहे. दोघांच्या या पोस्टवर चाहतेमंडळी भरभरुन शुभेच्छांचा वर्षाव करत आहेत.
सिद्धार्थ मल्होत्रा आणि कियारा अडवानी यांनी इन्स्टाग्रामवर गुलाबी रंगाची सुंदर अशी पोस्ट शेअर केली आहे. ज्यात तिने लिहिले आहे की, “आपले हृदय आनंदाने भरुन आले आहे आणि आमचे जग आता कायमचे बदलले आहे. आम्ही बाळ मुलीचे स्वागत करुन आशीर्वादित आहोत. कियारा आणि सिद्धार्थ”. या पोस्टच्या कॅप्शनमध्ये तिने हार्ट ईमोजी जोडला आहे. कियाराच्या या पोस्टवरुन आई झाल्यानंतर तिचा आनंद गगनात मावेनासा झाल्याचं दिसत आहे.
या पोस्टवर अभिनंदन करणार्यांनी गर्दी केली आहे. कियारा आई आणि सिद्धार्थ वडील झाल्यानंतर अदा खान हिने अभिनंदन केले. सुनील ग्रोव्हरने लिहिले आहे, “बेस्ट !!!! मम्मी-डॅडीचे अभिनंदन”. भारती सिंग हिनेदेखील कमेंट करत, “अभिनंदन”, असं म्हटलं आहे. आलिया भट्टची बहीण शाहीनने लिहिले आहे की, “होय”. मनीष मल्होत्रा ते फलक नाझ, अथिया शेट्टी, हुमा कुरेशी, संजय कपूर, नेहा धुपिया यांनीही कमेंट करत या दोघांचे अभिनंदन केले. चाहत्यांनाही कमेंट करत प्रेमाचा वर्षाव केला आहे.
आणखी वाचा – ‘पंचायत’ फेम अभिनेत्याला वयाच्या ३५व्या वर्षी हृदयविकाराचा झटका, स्वतःच दिली माहिती, म्हणाला, “गेले ३६ तास…”
सिद्धार्थ आणि कियारा यांनी ‘शेर शाह’ या चित्रपटात एकत्र काम केले. पडद्यावर रोमँटिक सीन करताना, दोघेही खऱ्या आयुष्यातही प्रेमात पडले. त्यांनी ७ फेब्रुवारी २०२३ रोजी अगदी थाटामाटात लग्न केले. आणि आता अडीच वर्षांच्या लग्नानंतर त्यांचे घर चिमुकलीच्या आगमनाने आनंदित झाले आहे.
