तितीक्षा तावडे व सिद्धार्थ बोडके आता इंडस्ट्रीतील टॉपचे कपल म्हणून लोकप्रिय ठरत आहेत. तितीक्षा व सिद्धार्थने वर्षभरापूर्वी लग्न करत चाहत्यांना गोड बातमी दिली. दोघांच्या लग्नाचे फोटो समोर येताच सगळ्यांनाच सुखद धक्का बसला. तितीक्षा-सिद्धार्थ अगदी सुखाने संसार करत आहेत. एकमेकांबरोबर पुरेसा वेळ एकत्र घालवताना दिसतात. इतकंच काय तर तितीक्षा-सिद्धार्थ दोघांच्या कुटुंबालाही तितकाच वेळ देताना दिसतात. तितीक्षाचे तर सासरी प्रचंड लाड होतात. बऱ्याच मुलाखतींमध्ये तसेच व्लॉगमध्येही तिने याबाबत भाष्य केलं आहे. याचाच आता आणखी एक अनुभव तितीक्षाला अनुभवायला मिळाला. तिला तिच्या नणंदेने खास सरप्राइज दिलं आहे. (Titeeksha Tawade first wedding anniversary)
तितीक्षा-सिद्धार्थच्या लग्नाला एक वर्ष पूर्ण झालं. त्याचनिमित्त तितीक्षाच्या नणंदेने त्यांना खास सरप्राइज दिलं. सरप्राइज पाहून तर दोघंही भारावून गेले. यामध्ये खास म्हणजे नणंदेने स्वतः गिफ्ट तयार केलं होतं. अवघ्या काही दिवसांमध्येच तिने गिफ्ट बनवून दाद व वहिनीला दिलं. त्याचबाबतचा व्हिडीओ सोशल मीडिया अकाऊंटद्वारे शेअर केला. तसेच व्हिडीओला खास कॅप्शनही दिलं. त्याचीच आता चर्चा रंगत आहे.
आणखी वाचा – “शबाना व मी रस्त्यावर झोपायचो…”, जावेद अख्तर यांनी सांगितला ‘तो’ कठीण काळ, म्हणाले, “मुस्लिमांना…”
सिद्धार्थच्या बहिणीने खास पेंटिंग तयार केलं. ते अगदी आकर्षकही दिसत आहे. तितीक्षाला पेटिंग पाहून बराच आनंद झाला. व्हिडीओमध्ये दोघींमध्ये असणारं बॉण्डिंग यावेळी दिसून आलं. नणंद व्हिडीओ शेअर करत म्हणाली, “काही नाही शब्दांत व्यक्त करण्याच्या पलिकडे असतात. माझ्या दादा व वहिनीबरोबर अगदी असंच माझं नातं आहे. त्यांच्या लग्नाच्या पहिल्या वाढदिवसाला मी गिफ्ट खरेदी केलं नाही हे मला माहित होतं. गिफ्ट मला माझ्या पद्धतीने तयार करायचं होतं”.
आणखी वाचा – “आम्ही कर्ज काढून जगतोय”, भारती सिंह व तिच्या नवऱ्याचा वाईट काळ, स्वतःच केला खुलासा, कमी पैसे मिळतात अन्…
पुढे ती म्हणाली, “त्यामुळे Lippan Art करताना मी माझा जीव त्यामध्ये ओतला. स्वतःला झोकून दिलं. फक्त चार दिवसांमध्ये मी हे पेंटिंग तयार केलं. कारण प्रयत्नांना भावनांची जोड असतेच. त्यामुळे तुम्ही जगातलं सारं काही मिळवू शकता”. नणंदेचं प्रेम पाहून तितीक्षा अगदी भारावून गेली. तितीक्षाचे व्लॉग, व्हिडीओमध्ये त्यामध्ये दिसणारी तिची सासरकडची मंडळी पाहून प्रत्येक मुलीला असंच घर मिळावं असं वाटतं.
