Shefali Jariwala Passed Away : बॉलिवूड अभिनेत्री शेफाली जरीवाला हिच्या निधनाच्या बातमीने सिनेविश्व हादरलं. वयाच्या ४२व्या वर्षी शेफालीचे हृदयविकाराच्या झटक्याने निधन झाले. आणि त्यानंतर मुंबईत अंधेरी येथे तिच्यावर अंत्यसंस्कार करण्यात आले. अभिनेत्रीच्या निधनाने तिच्या पतीवर आणि कुटुंबियांवर दुःखाचा डोंगर कोसळला. काल शेफालीचा नवरा परागने तिचे अस्थी विसर्जन करण्यास पोहोचला. यादरम्यान, पराग त्याची पत्नी शेफालीची अस्थीला मिठी मारुन ढसाढसा रडताना दिसला. त्याचा हा भावुक झालेला व्हिडीओ सोशल मीडियावर व्हायरल झाला असून अनेकांचे हृदय पिळवटून टाकणारा आहे.
रविवारी सकाळी शेफाली जरीवाला यांच्या अंत्यसंस्कारानंतर, अभिनेत्रीचा नवरा आणि त्याचे कुटुंबीय पती पराग त्यागी अस्थी घेऊन निघताना दिसले. याचा व्हिडीओ सोशल मीडियावर व्हायरल होत आहे. समोर आलेल्या या व्हिडीओमध्ये पत्नीची अस्थी हृदयाजवळ कवटाळून पराग प्रचंड रडताना दिसला. व्हिडीओमध्ये शेफालीचे वडील देखील परागसह दिसले. या दोघांनाही या स्थितीत पाहून चाहतेही भावनिक झाले आणि कमेंट सेशनमध्ये कमेंट करत त्यांना खंबीर राहण्यास सांगताना दिसले. या व्यतिरिक्त, दुसरा व्हिडीओ देखील समोर आला आहे. या व्हिडीओमध्ये, पराग पत्नी शेफाली जरीवालाची अस्थी विसर्जन करताना दिसला. या व्हिडीओमध्ये, अभिनेत्रीचे कुटुंब देखील परागला धीर देताना दिसले आहे.
शुक्रवारी रात्री उशिरा शेफाली जरवाला यांचे निधन झाले. अभिनेत्रीला ह्रदयाचा झटका आला. त्यानंतर नवरा पराग तिला रुग्णालयात घेऊन गेला. पण डॉक्टरांनी तिला आधीच मृत घोषित केले. अभिनेत्रीच्या अचानक निधनामुळे तिची आई आणि वडील देखील पूर्णतः खचले आहेत. या व्यतिरिक्त, अभिनेत्रीचे मित्रही हा धक्का पचवू शकत नाही आहेत. परास छाब्रा, शहनाज गिल, महिरा शर्मा, आरती सिंग, रश्मी देसाई आणि सुनिधी चौहान यांच्यासह अनेक कलाकार अभिनेत्रीच्या अंत्यसंस्कारात उपस्थित राहिले.
शेफालीच्या निधनानंतर हिंदुस्तानी भाऊही यावेळी कॅमेऱ्यासमोर रडताना दिसला. शेफाली आणि हिंदूस्तानी भाऊ यांच्यामध्ये बहीण-भावाचं नातं होतं. शेफालीच्या निधनानंतर त्यालाही दुःख अनावर झालं. तर कित्येक कलाकार मंडळींनी सोशल मीडियाद्वारे पोस्ट शेअर करत शेफालीला श्रद्धांजली वाहिली.
