लग्नाआधी एकमेकांना समजून घेण्यासाठी लिव्ह इन मध्ये राहावे असा सल्ला त्यांनी सोशल मीडियामार्फत दिला होता. काहींना त्यांचे विचार पटले तर काहींनी या सर्वाला विरोध दर्शवला आहे. अनेक चित्रपटसृष्टीतील अनेक कलाकारांना याला विरोध केला असून त्यामध्ये शक्तिमान म्हणून प्रसिद्ध असलेले मुकेश खन्ना यांनी तीव्र विरोध दर्शवला आहे. याआधीही त्यांनी अभिनेता रणवीर सिंह शक्तिमानची भूमिका साकारणार असल्याने नाराजी दर्शवली होती. अशातच त्यांनी आता झीनत यांच्यावरही निशाणा साधला आहे. त्यांनी झीनत यांना त्यांच्या लिव्ह इनच्या सल्ल्यावरून सुनावलं आहे. (mukesh khanna on zeenat aman)
पुढे ते म्हणाले कि, “लिव्ह इन रिलेशनबद्दल झीनत यांनी सांगितले कि लिव्ह इन मध्ये राहिल्याने मुलगा मुलगी एकमेकांना ओळखू लागतात. पण हे एकमेकांना ओळखायचे नाही आहे. जर मुलगा व मुलगी लग्नाआधी लिव्ह इन मध्ये राहिले आणि जर त्यांच जमल नाही तर त्याचा त्यांच्या आयुष्यावर किती वाईट परिणाम होईल हे देखील समजून घ्या. जे लोक असे बोलत आहे त्यांनी विचार करून बोलावं”.
झीनत यांनी काही दिवसांपूर्वी सोशल मीडियावर एक पोस्ट लिहिली होती. यामध्ये त्यांनी लिहिले होते की “तुमच्यापैकी कोणी रिलेशनशिपमध्ये असेल तर त्यांनी आधी लिव्ह इन रिलेशनशिपमध्ये राहावे असा मी सल्ला देईन. मी माझ्या मुलांनादेखील हाच सल्ला दिला आहे. दोघेही लिव्ह इन रिलेशनशिपमध्ये राहत आहेत.लग्न करायच्या आधी कुटुंबामध्ये मिसळताना, नाती बनवताना एक परीक्षा घ्यावी. दिवसातील काही तासांसाठी आपण स्वतःला खूप चांगले दाखवू शकतो. पण तुम्ही बाथरुम शेअर करु शकता का?, एकमेकांवरील राग व्यक्त करु शकता का? रोज रात्री जेवण काय बनवावे याबद्दल सहमती असते का? हे माहीत करुन घेणे खूप महत्त्वाचे असते”.
तसेच त्यांनी लिहिले होते की,“तुम्ही बेडरुममध्ये एकमेकांना किती महत्त्व देतात? छोट्या छोट्या गोष्टींवरुन होणारी भांडणं सोडवू शकतात का? थोडक्यात सांगायचे झाले तर तुम्ही एकमेकांसाठी योग्य आहात का? हे समजणे महत्त्वाचे असते. आपला भारतीय समाज लग्नाआधी एकत्र राहण्याला पाप समजतो. पण अशा अनेक गोष्टी आहेत ज्याला समाज पाप समजतो”.
झीनत यांच्या पोस्टने सगळ्यांचेच लक्ष वेधले गेले होते. मुकेश यांच्या वक्तव्यावर आता झीनत काही प्रतिक्रिया देतात का? हे पाहण्यासारखे आहे.
