झी मराठी वाहिनीवरील ‘सातव्या मुलीची सातवी मुलगी’ या मालिकेत एकामागून एक येणाऱ्या ट्विस्टमुळे ही मालिका दिवसेंदिवस अधिकच रंजक होत आहे. मालिकेत नुकतंच विरोचकाने राजाध्यक्ष कुटूंबातील केतकी काकु, फाल्गुनी, शेखर, तन्मय व तेजस या सर्वांना वश केले असल्याचे पाहायला मिळाले. मात्र आता तिच्या वशमधून हे सगळेच बाहेर आले आहेत आणि घरातील सर्व जण पाचव्या पेटीचा शोध घेत आहेत.
ग्रहण संपल्यामुळे रुपालीची वशीकरणाची शक्ती संपली. त्यानंतर तो बेशुद्ध पडला असल्याचे पाहायला मिळाले. अशातच आता विरोचक पुन्हा एकदा शुद्धीवर आला आहे. अशातच विरोचकाला राजाध्यक्ष शोधत असलेल्या पाचव्या पेटीबद्दलही माहिती होत आहे. राजाध्यक्ष यांच्या घरी भविष्य सांगणारे येतात आणि ते देवीआईच्या कळसाबद्दल बोलत असतात. यावरून पाचवी पेटी देवीआईच्या त्या कळसात असण्याविषयीची माहिती मिळते.
आणखी वाचा – अर्जुन-चैतन्य साक्षीचं पितळ उघडं पाडणार?, सायलीचीही मधुभाऊंच्या केससाठी मोठी मदत, मोठा पुरावा थेट घरीच आणला
पाचव्या पेटीबद्दल कळताच विरोचक त्या पेटीच्या शोधात निघतो आणि विरोचक पेटीच्या शोधात निघाल्याचे नेत्राला कळते. विरोचकही पाचवी पेटी शोधत असून त्याला पेटीबद्दलची माहिती लागली असल्याचे कळते. त्यामुळे आता विरोचक व नेत्रा दोघेही पाचव्या पेटीचा शोध घेत आहेत. देवीआईच्या लेकी व राजाध्यक्ष कुटुंबातील सगळेजण चौथ्या पेटीच्या श्लोकाचा अर्थ समजून घेऊन पाचव्या पेटीचा शोध घेणार आहेत.
आणखी वाचा – ‘सिंह’ व ‘तूळ’ राशीच्या लोकांना आज आर्थिक लाभ होणार, इतर राशींच्या नशिबात नेमकं काय? जाणून घ्या…
गेल्या भागात शेखरने रुपालीला तिचा अंत नेत्राच्या हातून होणार असल्याचेही सांगितले आहे. त्यामुळे विरोचकाचा अंत नक्की नेत्राच्या हातून होणार की देवीआई विरोचकाचा अंत करणार हे पुढील भागात पाहायला मिळेल. त्यामुळे आता रुपालीच्या वशीकरणाच्या शक्तीतून बाहेर आल्यानंतर राजाध्यक्ष कुटुंबियांना पाचव्या पेटीचा शोध लागणार का? यात नेमकं काय दडलेलं असणार? हे आता आगामी भागांत पाहायला मिळणार आहे. तसेच पाचव्या पेटीचा शोध आधी विरोचक घेणार? की नेत्राच्या हाती ही पाचवी पेटी लागणार? हे पाहण्यासाठी सगळेच जण मालिकेतील पुढील भागांची आतुरतेने वाट पाहत आहेत.