झी मराठी वरील ‘सातव्या मुलीची सातवी मुलगी’ ही मालिका दिवसेंदिवस खूपच उत्कंठावर्धक बनत चालली आहे. मालिकेत येणारे नवनवीन ट्विस्टस या मालिकेची प्रेक्षकांमध्ये उत्कंठा वाढवत आहेत. त्यामुळे मालिकेत येणारा प्रत्येक नवीन ट्विस्ट पाहण्यासाठी प्रेक्षक आतुर असतात. मालिकेतील हे नवनवीन ट्विटस प्रेक्षकांना पाहण्याची उत्सुकता असते. अशातच मालिकेत नुकताच विरोचक हा राजाध्यक्षांच्या घरात आल्यामुळे नवीन संकट आले आहे.
विरोचक घरात येण्याने राजाध्यक्ष कुटुंबीयांना अनेक संकटांना सामोरे जावे लागत आहे. विरोचकाला संमोहन शक्तीदेखील मिळाली आहे. ज्याचा विरोचक राजाध्यक्ष कुटुंबियांविरुद्ध वापर करत आहे. नुकतंच मालिकेत विरोचकाने केतकी राजाध्यक्षला संमोहित केल्यामुळे ती स्वत:वर चाकू उगारत असल्याचे पाहायला मिळाले. यामुळे केतकी दारू नशेत फाल्गुनीच्या कानाखालीही मारते. त्यानंतर आता मालिकेचा आणखी एक प्रोमो समोर आला आहे, ज्यामध्ये रुपाली घरातील प्रत्येकाला डीवचत आहे.
आणखी वाचा – लेकीची पाठवणी करताना आईला कोसळले रडू, लग्नाला २ महीने पूर्ण होताच तितीक्षा तावडेने शेअर केले भावुक क्षण
या प्रोमोमध्ये रुपाली नेत्रा व इंद्राणी उद्देशून असं म्हणते की, “त्रिनयनाच्या लेकींचं सैन्य हे किती तकलादू आहे. कसं काय लढणार मग तुम्ही या विरोचकाविरुद्ध”. यापुढे ती शेखर राजाध्यक्षला बिनडोक म्हणते, तर अद्वैतला बावळट म्हणते. यापुढे ती फाल्गुनीला मंद चिमणी असं म्हणते तर शेखरला चिडका बिब्बा असं म्हणते.
दरम्यान, आता विरोचक अधिकच ताकदवार झाल्याचे दिसून येत आहे. त्यामुळे आता विरोचकाच्या या शक्तीविरुद्ध नेत्रा-इंद्राणीसह राजाध्यक्ष कुटुंबीय कसे लढणार?, नेत्रा स्वत: विरोचकाच्या या शक्तीविरुद्ध कशी लढणार? हे पाहणे उत्सुकतेचे ठरणार आहे.
