दिग्दर्शक पीएस मिथरान यांच्या तमिळ स्पाय ॲक्शन-थ्रिलर ‘सरदार -२’ च्या सेटवरून एक मोठी बातमी समोर येत आहे. सेटवर शूटिंग दरम्यान एक अपघात झाला आहे, ज्यामध्ये इझुमलाई नावाच्या स्टंटमनचा मृत्यू झाला आहे. ॲक्शन सीनचे शूटिंग करत असताना स्टंटमन २० फूट उंचीवरून पडला आणि त्याचा जागीच मृत्यू झाला. या चित्रपटात अभिनेता कार्ती मुख्य भूमिकेत आहे.
‘इंडिया टुडे डॉट इन’ने प्रोडक्शन टीमच्या जवळच्या एका सूत्राचा हवाला देत सांगितले की, कार्तीच्या ‘सरदार-२’ चित्रपटाचे शूटिंग चेन्नईतील एका भव्य सेटवर सुरू होते. एक ॲक्शन सीन शूट होत होता. त्यानंतर अचानक स्टंटमन सुमारे २० फूट उंचीवरून खाली पडला. त्याला गंभीर दुखापत झाली आणि अंतर्गत रक्तस्त्राव झाल्याने त्याचा मृत्यू झाला.
The auspicious pooja for #Karthi starrer #Sardar2 took place recently and the shooting of the film is scheduled to start on July 15th 2024 in grand sets in Chennai.@Karthi_Offl @psmithran @Prince_Pictures @lakku76 @venkatavmedia @thisisysr @george_dop @rajeevan69 @dhilipaction… pic.twitter.com/nVraSAbMi4
— Prince Pictures (@Prince_Pictures) July 12, 2024
आणखी वाचा – Video : मराठी वाचता यावं म्हणून वैभव मांगलेंची मुलांवर सक्ती, मुलांच्या वाचनाचा व्हिडीओ शेअर करत म्हणाले…
या संपूर्ण प्रकरणाबद्दल माहिती घेतली जात असून काही काळ या चित्रपटाचे शूटिंग थांबवण्यात आले आहे. मात्र, या प्रकरणाबाबत चित्रपटाच्या टीमकडून अद्याप कोणतेही अधिकृत वक्तव्य जाहीर करण्यात आलेले नाही. ‘सरदार-२’ हा चित्रपट २०२२ मध्ये प्रदर्शित झालेल्या ब्लॉकबस्टर ‘सरदार’चा दुसरा भाग आहे.
आणखी वाचा – मेष, वृषभ व कर्क राशीच्या लोकांसाठी गुरुवारचा दिवस आनंदाचा असेल, नोकरी-व्यवसायात होणार लाभ, जाणून घ्या…
या चित्रपटात कार्तीशिवाय राशी खन्ना, राजिशा विजयन, चंकी पांडे आणि लैला यांच्याही महत्त्वाच्या भूमिका आहेत. पहिल्या चित्रपटाच्या यशानंतर लगेचच दुसऱ्या भागाची घोषणा करण्यात आली. या चित्रपटाचा टीझरही प्रदर्शित करण्यात आला आहे. दरम्यान स्टंटमॅनच्या अपघाती निधनामुळे मनोरंजन सृष्टीवर शोककळा पसरली आहे.
