२०१६ मध्ये प्रदर्शित झालेल्या ‘सैराट’ चित्रपटाने बॉक्स ऑफिसवर रेकॉर्डब्रेक कमाई करत मराठी चित्रपटसृष्टीत इतिहास रचला होता. नागराज मंजुळे दिग्दर्शित या चित्रपटात अनेक नवे कलाकार आले होते. अभिनेत्री रिंकू राजगुरूने याच चित्रपटातून चित्रपटसृष्टीत पदार्पण केले होते. तिने साकारलेली ‘आर्ची’ भूमिका प्रचंड गाजली असून या भूमिकेसाठी तिला राष्ट्रीय पुरस्कारदेखील मिळाला होता. पण त्यानंतर आलेल्या चित्रपटांना फारसं यश मिळालं नसलं. तरी तिच्या लोकप्रियतेत कमी झाली नाही. अशातच रिंकूने जगप्रसिद्ध केदारनाथ मंदिराचे दर्शन घेतले असून तेथील काही फोटोज समोर आले. (Rinku Rajguru took darshan of Kedarnath temple)
रिंकू सोशल मीडियावर प्रचंड सक्रीय आहे. ती याद्वारे तिच्या वैयक्तिक आयुष्याशी निगडित अनेक फोटोज व व्हिडिओज चाहत्यांसोबत शेअर करत असते. पण काही दिवसांपूर्वी तिने तिच्या इन्स्टाग्राम अकाउंटवरील अनेक पोस्ट्स हटवले होते, त्याची चर्चा जोरदार रंगली होती. मात्र त्यानंतर काही दिवसातच एक फोटोशूट केला होता. आता रिंकू नुकतीच केदारनाथच्या दौऱ्यावर गेली होती. त्याचे फोटोज तिने इन्स्टाग्रामवर शेअर केले आहे.
हे देखील पाहा – अभिनेत्याने रवीना टंडनला सेटवरच केलं होतं लिप किस, अभिनेत्रीने केली होती उलटी, म्हणाली, “आधी ब्रश करा आणि…”
जगप्रसिद्ध केदारनाथ मंदिराबाहेरचा फोटो तिने शेअर केला आहे. सुंदरसा ड्रेस, त्यावर भगवी शाल आणि कपाळावर चंदन यांमध्ये ती अतिशय सुंदर दिसते. हा फोटो शेअर करताना तिने “हर हर महादेव” असं कॅप्शन दिलं आहे. तर दुसऱ्या फोटोत ती हातात काठी घेत मंदिराकडे जाताना दिसत आहे. तिचे हे फोटोज व्हायरल झाले असून या पोस्टवर चाहते कमेंटद्वारे तिचं कौतुक करत आहे. रिंकूने ‘सैराट’सह ‘कागर’, ‘मेकअप’, ‘झुंड’ अश्या अनेक चित्रपटांमध्ये काम केलेलं आहे. सध्या ती एका चित्रपटाच्या शूटिंगमध्ये व्यग्र असून लवकरच ती ‘खिल्लार’ चित्रपटातून प्रेक्षकांच्या भेटीला येणार आहे.