Saif Ali Khan Attacked : मुंबई पोलिसांनी मंगळवारी पहाटे अभिनेता सैफ अली खानवर झालेल्या हल्ल्याचे दृश्य पुन्हा तयार केले. यासाठी पोलिसांनी प्रथम आरोपी शरीफुलला सोमवारी रात्री १:१५ वाजता लॉकअपमधून बाहेर काढले आणि वांद्रे स्टेशन गाठले. पहाटे ३-४ च्या दरम्यान त्याला सैफच्या सोसायटीत नेण्यात आले. आरोपीलाही त्याने घटनेच्या वेळी घातलेल्या बॅगप्रमाणेच बॅग पॅक घातली होती. याशिवाय फॉरेन्सिक टीमही तपासासाठी सैफच्या घरी स्वतंत्रपणे पोहोचली. टीमने सैफच्या घराच्या बाथरूमच्या खिडकी, शाफ्ट आणि पायऱ्यांवरुन एकूण १९0 बोटांचे ठसे गोळा केले. आरोपीने बाथरूमच्या खिडकीतून सैफच्या घरात प्रवेश केला होता आणि हल्ल्यानंतर तो येथून बाहेरही आला होता.
१५ जानेवारीला पहाटे २ वाजता सैफवर हल्ला झाला होता; त्याच्या मणक्याला आणि मानेला गंभीर दुखापत झाली होती. यानंतर ते लीलावती रुग्णालयात पोहोचले, तेथे त्यांच्यावर उपचार करण्यात आले. मुंबई पोलिसांनी १९ जानेवारीला रात्री उशिरा आरोपी शरीफुलला अटक केली होती. तो बांगलादेशातील कुस्तीपटू असल्याचे गुन्हे शाखेने सांगितले. शरीफुल पाच दिवसांच्या पोलिस कोठडीत आहे. सैफ अली खानला आज संध्याकाळपर्यंत लीलावती रुग्णालयातून डिस्चार्ज मिळणार आहे. डिस्चार्ज झाल्यानंतर, सैफ अली खान त्याच्या सतगुरु शरण अपार्टमेंटमध्ये जाणार नाही आणि तो पूर्वी राहत असलेल्या फॉर्च्यून हाईट्स अपार्टमेंटमध्ये जाईल.
आणखी वाचा – तितीक्षा तावडेचं लग्नानंतरचं पहिलं हळदी-कुंकू, काळ्या रंगाच्या साडीमध्ये खुललं सौंदर्य, फोटो समोर
वास्तविक, सतगुरु अपार्टमेंटमध्ये येण्यापूर्वी सैफ आपल्या कुटुंबासह फॉर्च्यून हाईट्समध्ये राहत होता, नंतर त्याने त्याचे ऑफिसमध्ये रुपांतर केले. पोलिसांच्या चौकशीत आरोपी शरीफुलने सांगितले की, तो १५ जानेवारीच्या रात्री चोरीच्या उद्देशाने बॉलिवूड स्टारच्या अपार्टमेंटमध्ये घुसला होता. इमारतीच्या आठव्या मजल्यावर पायऱ्या चढून जाता येते. यानंतर तो पाईपच्या साहाय्याने १२ व्या मजल्यावर चढला आणि बाथरूमच्या खिडकीतून सैफच्या फ्लॅटमध्ये घुसला. आरोपी शहजादने सांगितले की, त्याने इमारतीतील अनेक फ्लॅटचे डक्ट तपासले पण इतरांच्या घरात प्रवेश करता आला नाही कारण सर्व डक्ट सील केले होते आणि इतर फ्लॅटचे सर्व दरवाजे बंद होते. संपूर्ण बिल्डिंगमध्ये फक्त सैफ अली खानचा मागचा दरवाजा उघडा होता. आरोपीने सांगितले की, तो सैफ अली खानच्या घरात शिरल्याचे त्याला माहीत नव्हते. सकाळची बातमी पाहिल्यानंतर त्याला कळले की तो एका मोठ्या बॉलिवूड अभिनेत्याच्या घरात शिरला आहे.
आणखी वाचा – Tharla Tar Mag : सायली-अर्जुन कायमचे वेगळे?, सुभेदार कुटुंबाकडून अर्जुन-प्रियाच्या लग्नाचा घाट, नवा ट्विस्ट
इमारतीच्या मुख्य दरवाजाचे सीसीटीव्ही बंद असले तरी काही फ्लॅटचे खासगी सीसीटीव्ही सुरु असल्याचे पोलिसांनी सांगितले.आरोपीने सांगितले की, तो सैफ अली खानच्या घरात शिरल्याचे त्याला माहीत नव्हते. सकाळची बातमी पाहिल्यानंतर त्याला कळले की तो एका मोठ्या बॉलिवूड अभिनेत्याच्या घरात शिरला आहे. इमारतीच्या मुख्य दरवाजाचे सीसीटीव्ही बंद असले तरी काही फ्लॅटचे खासगी सीसीटीव्ही सुरु असल्याचे पोलिसांनी सांगितले.
