लोकप्रिय अभिनेत्री सई ताम्हणकर हिने नुकतीच एक खुशखबर चाहत्यांसोबत शेअर केली आहे. एक मैलाचा दगड पार करत अभिनेत्री सई ताम्हणकरने मुंबई शहरातील तीच पहिलं घर विकत घेतलं आहे. नवीन घर घेतल्याचा आनंद शेअर करत सईने इन्स्टाग्राम अकाऊंटवरून एक व्हिडीओ शेअर केला आहे. या व्हिडिओमध्ये ती तिच्या जुन्या घरातील सामान नव्या घरात शिफ्ट करताना दिसतेय. हा व्हिडिओ शेअर करत ती असंही म्हणतेय की, “मला खरंच जायचं नाही आहे, मला माहित आहे की ते घर मोठं आहे, छान आहे. पण काही गोष्टी अशा लगेच सुटत नाहीत. ही जागा तशी आहे. या घराने मला खूप दिलंय.” (Saie Tamhankar New House)
या व्हिडिओसोबत तिने कॅप्शन देत म्हटलं आहे की, “‘द एलेव्हन्थ प्लेस’, पुन्हा घाबरून व उत्साहाने, मी नवीन घरात पाऊल ठेवतेय, एक स्वप्न पूर्ण झालंय, माझं पहिलं मुंबईतील घर, एक मैलाचा दगड मी गाठला, घरी बोलावण्याचे ठिकाण, जिथे आठवणी विणल्या जातील. पण आनंदादरम्यान, एक कडू आठवण, एके काळी जे माझं घर होतं त्याचा मी निरोप घेत आहे. परिचित भिंती आणि जुन्या निवासस्थानाचा निरोप घेतेय, ज्या ठिकाणी मी एकेकाळी आरामात राहिले होते ते घर मी सोडतेय.”
“प्रत्येक खोली बांधताना आठवणी कुजबुजतात, हास्याचे आणि फुललेल्या क्षणांचे प्रतिध्वनी, भिंतींवर भूतकाळातील कथा आहेत, काळामध्ये कोरलेल्या भावनांची गुंफण आहे. पण यापुढे मी नवीन अध्यायाला सुरुवात करत असताना, विनम्र कृतज्ञतेने माझं मन भरून आलं आहे. आजवरच्या आठवणी व शिकलेल्या धड्यांसाठी, या नवीन घरात, नवीन स्वप्ने विणली जातील.”
पुढे तिने या जुन्या घराचा निरोप घेत म्हटलं आहे की, “म्हणून मी कृतज्ञ आलिंगन देऊन निरोप घेते. मी माझ्या नवीन घरात पाऊल ठेवतेय, एक प्रकाशाचा किरण.” सईने दिलेल्या या गुडन्यूजवर अभिनेत्री अमृता खानविलकर, क्रांती रेडकर, क्षिती जोग यांसारख्या अनेक कलाकारांनी शुभेच्छा देत कमेंट केल्या आहेत.
