सातव्या मुलीची सातवी मुलगी मालिकेत आतापर्यंत घरातील सर्वांना विरोचकाच्या प्रतिबिंब शक्तीबद्दल माहिती झाली आहे. त्यामुळे घरातील सर्वजण सतर्क झाले आहेत. समोर आलेली व्यक्ती ही खरी व्यक्ती आहे की त्या व्यक्तीचं प्रतिबिंब आहे हे ओळखण्यासाठी राजाध्यक्ष कुटुंबियांनी ‘मी काय म्हणते’ किंवा ‘मी काय म्हणतो’ या सांकेतिक वाक्याचा वापर करण्याचे नियोजन केलं आहे. अशातच त्रिनयना देवीने एका वृद्ध महिलेच्या रुपात येऊन नेत्राची ओटी भरली आहे आणि या ओटीत तिला एक वस्त्र दिले आहे. जे वस्त्र एक ध्वज आहे आणि यावर एका बाजूला देवीचे चिन्ह आहे तर दुसऱ्या बाजूला विरोचकाचे चिन्ह आहे. आजच्या भागात देवीआईने हे वस्त्र देण्यामागे नक्की काय हेतू असेल? देवीआई नक्की काय सांगायचा प्रयत्न करत आहे. हे त्यांना कळत नाही आहे.
अशातच विरोचक मात्र नेत्राला कोणती तरी नवीन शक्ती मिळाली आहे, या विचारात त्याच्याविरुद्ध कसं लढावं याचा विचार करत आहे. याच विचारात तो नेत्राच्या खोलीत जातो. तेवढ्यात केतकी काकू येतात आणि नेत्रा-अद्वैतला सावध करतात. मग लगेच नेत्रा व अद्वैत खोलीत जातात. त्यानंतर विरोचक नेत्राला धमकवण्याचा प्रयत्न करत असतो. मात्र नेत्राही विरोचकाला न घाबरता तिच्याविरुद्ध आवाज उठवते. त्यामुळे विरोचक नेत्राला घाबरुन खोलीतून पळून जातो.
आणखी वाचा – सिंह, मेष व कर्क राशीसाठी सोमवारचा दिवस असणार फारच खास, नोकरी-धंद्यात मिळणार चांगलं यश,जाणून घ्या…
त्यामुळे विरोचक नेत्राला नक्की कोणती शक्ती मिळाली आहे? नेत्राच्या ओटीत देवीआईने नक्की काय दिलं आहे? हे बघण्यासाठी विरोचक शेखरचे प्रतिबिंब तयार करतो आणि त्याला नेत्राच्या ओटीतील सामान नक्की काय होतं याची माहिती करुन घेण्यासाठी जायला सांगतो. त्यानुसार शेखरचे प्रतिबिंब केतकी काकूच्या खोलीत जाऊन ओटीतील सामानाविषयी जाणून घेण्याचा प्रयत्न करतो. मात्र ते हे प्रतिबिंब असल्याचे समजून जातात आणि मग तेजस सावधपणे अद्वैतला त्यांच्या खोलीत बोलावतो.
त्यानंतर अद्वैत, नेत्रा, इंद्राणी व शेखर हे सगळेच धावत फाल्गुनीच्या खोलीत येतात. तेव्हा ते शेखरचे प्रतिबिंब बघतात आणि त्यांना धक्काच बसतो. त्यामुळे आता खरी व्यक्ती व प्रतिबिंब एकमेकांसमोर आल्यामुळे काय होणार? विरोचक त्याची खेळी खेळणार का? हे आगामी भागात प्रेक्षकांना पाहायला मिळणार आहे