छोट्या पडद्यावरील नव्यानेच सुरु झालेली ‘सारं काही तिच्यासाठी’ ही मालिका सध्या प्रेक्षकांच्या आवडीची मालिका झाली आहे. अल्पावधीतच या मालिकेने प्रेक्षकांचे मन जिंकले. दोन बहिणींच्या आयुष्यावर बेतलेली ही कथा आता त्यांच्या मुलींच्या आयुष्यापर्यंत येऊन पोहोचली आहे. मालिकेत सध्या दादा खोतांची लेक निशी व नीरजच्या यांच्या लग्न सोहळ्याची लगबग सूर आहे. आपलं प्रेम ज्याच्यावर जडलं त्या नीरजबरोबर निशी आता विवाहबंधनात अडकणार असल्याने ती आता प्रचंड आनंदात आहे. नुकतंच या दोघांच्या लग्नाचा प्रोमो समोर आला असून यात हे दोघे सप्तपदी घेतानाचे या व्हिडिओमध्ये पाहायला मिळत आहे.
सोशल मीडियावर नुकत्याच आलेल्या या प्रोमोमध्ये निशी व निरज एकमेकांबरोबर सप्तपदी घेत असतानाच श्रीनिवास व ओवी हे देखील त्यांच्या मागेमाग एकमेकांचा हात धरून चालतानाचे पाहायला मितल आहे. सप्तपदीचे शूटिंग करत असताना श्रीनिवासचा तोल जातो, तेवढ्यात ओवी त्याचा हात हातात घेत त्याला सावरते आणि मग ते दोघेही सप्तपदी घेत असलेल्या निशी-नीरजच्या मागे हातात हात घालून चालतानाचे या व्हिडीओमध्ये पाहायला मिळत आहे.
आणखी वाचा – शाल्व किंजवडेकरची लगीनघाई, लवकरच अडकणार विवाहबंधनात, बायकोबरोबरचा फोटो शेअर करत म्हणाला, “मुहूर्त…”
श्रीनूच्या लग्नाचा विचार खोत कुटुंब करत आहे आणि श्रीनुची वधू म्हणून ते चारूचा विचार करत आहे. पण, श्रीनुच्या हृदयात ओवी आहे ह्याची कल्पना खोत कुटुंबाला नाही. बालपणीच्या मैत्रीतल्या प्रेमाला श्रीनू साद देईल अशी आशा चारूला आहे. चारू ही आत्या मंजूशी बोलताना सतत श्रीनूचा उल्लेख करत आहे तर, चारूनेच श्रीनूबरोबर लग्न करावे असा मंजूलादेखील वाटत आहे. सुरुवातीला चारूच्या वागण्याकडे फारसं लक्ष न देणारा श्रीनू आता सावध राहत आहे. तर, लालीदेखील चारुला सून करण्यासाठी आणि श्रीनूच्या मनात तिला भरण्यासाठी मुद्दाम काही गोष्टी घडवून आणण्यासाठी धडपडते आहे.
अशातच निशी-नीरज यांच्या लग्नातील श्रीनू व ओवी यांच्या हातात हात घालून जाण्याने उमाला वेगळाच आनंद होत आहे. त्यामुळे मालिकेत आता श्रीनू व ओवी यांचे लग्न होताना पाहायला मिळेल का? हे पाहणे उत्सुकतेचे ठरणार आहे. दरम्यान, खूप काळानंतर घरात एक मंगलकार्य पार पडत आहे म्हणून सगळे आनंदात आहेत.