बॉलिवूडमधील लोकप्रिय जोडीच्या यादीत अभिनेता रितेश देशमुख आणि अभिनेत्री जिनिलीया देशमुख यांची नाव अग्रस्थानी आहेत. रितेश आणि जिनिलीयाची केमिस्ट्री ही प्रेक्षकांना विशेष भावते. सिनेसृष्टीत रितेश आणि जिनिलीयाच्या मुलांचीही विशेष चर्चा रंगलेली पाहायला मिळते. त्यांच्यावरील संस्कारांचे प्रत्येकवेळी सर्वत्र कौतुक होते. रितेश आणि जिनिलीयाने बऱ्याच कालावधींनंतर सिनेसृष्टीत मोठ्या उत्साहाने कमबॅक केलं. आणि त्यांच्या या ‘वेड’ चित्रपटाने बॉक्स ऑफिसवरही बक्कळ कमाई केली. (Riteish Deshmukh Special post)
या चित्रपटातील रितेश व जिनिलीयाच्या अभिनयाला प्रेक्षकांनी चांगलीच पसंती दर्शविली. ही जोडी केवळ पडद्यावरच नव्हे तर खऱ्या आयुष्यातही कायम बहरलेली पाहायला मिळते. १० वर्ष होऊनही रितेश जिनिलीया यांच्यातील प्रेम तसूभरही कमी झालेलं नाही. आज जिनिलीयाचा वाढदिवस आहे, आणि तिच्या वाढदिवसानिमित्त रितेशने सोशल मीडियावरून एक खास पोस्ट शेअर केली आहे.
पाहा रितेशची पत्नीसाठीची खास पोस्ट (Riteish Deshmukh Special post)
आज जिनिलीयाचा ३६ वा वाढदिवस आहे. त्यानिमित्त रितेशने इंस्टग्राम अकाउंटवरून जिनिलीयासाठी एक खास पोस्ट शेअर केली आहे. यांत त्याने दोंघांचा एकत्र फोटो शेअर केला आहे, आणि म्हटलं आहे की, “माझी जिवलग मैत्रीण, माझी कठोर टीकाकार, माझी कट्टर समर्थक, माझी गुन्ह्यातील भागीदार, माझी सर्वात मोठी चीअरलीडर, माझी जीवनरेखा, माझे सर्व काही, अशा तुला वाढदिवसाच्या खूप खूप शुभेच्छा. माझे जीवन समृद्ध केल्याबद्दल धन्यवाद, माझ्या सोबत कायम आहेस म्हणून धन्यवाद.. माझी बायको. माझे वेड!!! मी तुझ्यावर प्रेम करतो. अशा रोमँटिक आशयाची पोस्ट त्याने लिहिली आहे.
हे देखील वाचा – जेवण बनवताना तेलाचा वापरच करत नाही जिनिलीया देशमुख, म्हणालेली, “तेल न वापरता मी…”
त्याच्या या पोस्टवर चाहत्यांनी आणि अनेक कलाकार मंडळींनी कमेंट करत जिनिलीयाला वाढदिवसाच्या शुभेच्छा दिल्या आहेत. जिनिलीयाने जवळपास १० वर्ष चित्रपटसृष्टीमधून ब्रेक घेतला होता. घर, संसार, मुलं सांभाळण्यात ती रमली होती. मात्र तिने तिच्या इच्छेनुसार हा पर्याय निवडला होता. कामाबरोबरच तिने तिच्या कुटुंबाला नेहमीच प्राधान्य दिलं आहे. जिनिलीयाची हिच खासियत सगळ्यांना आवडते. इतकंच नव्हे तर जिनिलीया मराठी संस्कृतीही जपते.