Bigg Boss Marathi 6 : ‘बिग बॉस’ मराठी सिझन ६’च्या घरात रितेश देशमुख यांनी राकेश बापट आणि दिव्या शिंदे यांची चांगलीच शाळा घेतल्याचं पाहायला मिळालं आहे. कलर्स मराठी वाहिनीवर पार पडलेल्या ‘भाऊचा धक्का’मध्ये रितेश देशमुख प्रचंड नाराज झाल्याचं स्पष्टपणे दिसून आलं. समोर आलेल्या नव्या प्रोमोमुळे प्रेक्षकांमध्ये प्रचंड चर्चा रंगली आहे. या प्रोमोमध्ये रितेश देशमुख राकेश बापट आणि दिव्या शिंदे यांना थेट आणि स्पष्ट शब्दांत सुनावताना दिसत आहेत. रितेश म्हणतात, “या घरात सध्या ‘लाडका भाऊ’ योजना सुरू असल्यासारखं वाटतंय… आणि त्याची सुरुवात दिव्याने केलेली दिसते.” रितेश यांच्या या विधानाने घरातच नव्हे तर सोशल मीडियावरही चर्चा रंगली आहे.
यानंतर रितेश देशमुख थेट राकेश बापट यांना सवाल करतात. ते म्हणतात, “इथे सतत ‘राकेश दादा ते राकेश दादा हे’ एवढंच दिसत आहे आणि दिव्या यांचं नातंच दिसतंय. पण तुमचा स्वतःचा गेम कुठेच दिसत नाही.दिव्या” या वक्तव्यानंतर राकेश बापट आणि दिव्या शिंदे काहीसे निरुत्तर झाल्याचं दिसतात. पुढे रितेश देशमुख दिव्या शिंदे यांना प्रश्न विचारतात, “दिव्या, तुम्ही बाहेर लीडर आहात ना?” यावर दिव्या ‘हो सर’ असं उत्तर देते. मात्र त्यावर रितेश म्हणतात, “बाहेर लीडर असलात तरी इथे तुम्ही फक्त सपोर्टर म्हणूनच दिसत आहात. म्हणजेच राकेश यांची प्रवक्ताच बनल्यासारखं वाटतंय.” (Bigg Boss Marathi 6)
या थेट आणि स्पष्ट शब्दांत रितेश देशमुख यांनी राकेश बापट आणि दिव्या शिंदे यांचा गेम उघड केला असल्याचं प्रोमोमध्ये पाहायला मिळत आहे. त्यामुळे प्रेक्षकांमध्ये आता एकच प्रश्न उपस्थित झाला आहे की, यानंतर राकेश आणि दिव्या आपला गेम बदलणार का? की ते याच पद्धतीने पुढे खेळताना दिसणार? आता येणाऱ्या भागांमध्ये राकेश आणि दिव्याचा खेळ कसा वळण घेणार?, हे पाहणं निश्चितच उत्सुकतेचं ठरणार आहे. (Bigg Boss Marathi 6)
आणखी वाचा – “माझं दुसरं मूल गमावलं…”; सुप्रसिद्ध अभिनेत्रीचा गर्भपाताबद्दल खुलासा, म्हणाली, “चित्रपटामुळेच मला…”
