बॉलिवूडमधील ‘क्यूट कपल’ म्हणून जिनिलीया आणि रितेश देशमुख या जोडीकडे पाहिलं जातं. त्यांनी बऱ्याच चित्रपटात एकत्र काम केलं आहे. पण ‘वेड’ हा चित्रपटातील त्यांच्या अभिनयाने सगळ्यांची मनं जिंकली. ही जोडी २०१२मध्ये विवाहबंधनात अडकली. त्यांना दोन मुलं आहेत. ज्याची नाव रियान व राहिल अशी आहेत. हे जोडपं त्यांच्या क्यूटनेससाठी तर प्रसिद्ध आहेच पण ते आपल्या मुलांबरोबर जेव्हा कॅमेऱ्यासमोर येतात तेव्हा त्यांनी दिलेल्या संस्कारांचं कौतुक बऱ्याचदा केलं जातं. सध्या असाच एक व्हिडीओ सोशल मीडियावर व्हायरल होत आहे. त्यामुळे पुन्हा एकदा जिनिलिया व रितेश यांचं कौतुक होत आहे. (Riteish genelia sons Namaste gesture to paparazzi)
रितेश व जिनिलिया नेहमी एकत्रित पाहायला मिळतात. बऱ्याचदा त्यांची मुलंही त्यांच्याबरोबर असतात. जेव्हा जेव्हा ते आपल्या आईवडिलांबरोबर कॅमेरा समोर येतात त्यावेळी ते रितेश व जिनिलियाबरोबर हात जोडताना दिसतात. आताही त्यांना पापाराजीं समोर प्रेम व सन्मानाने हात जोडले जे पाहता रितेश व जिनिलियाचं पालक म्हणून बरंच कौतुक होत आहे.
दरम्यान त्यांच्या पूर्ण परिवाराला एका फुटबॉल मैदानाच्या बाहेर पाहिलं गेलं. जिथे रितेश व जिनिलिया आपल्या मुलांना न्यायला आले होते. त्यावेळी तिथे पापाराझींनी त्यांना फोटोसाठी पोज द्यायला सांगितलं. त्यावेळी रियान व राहिल या दोघांनी त्याचे हात जोडून नमस्कार केला. त्यानंतर रितेश व जिनिलियादेखील हाथ जोडताना दिसल्या. हा व्हिडीओ सोशल मीडियावर बराच व्हायरल होत आहे. रितेश व जिनिलिया यांनी आपल्या मुलांना चांगले संस्कार दिले आहेत. रितेश बऱ्याचदा मुलांचे व्हिडीओ शेअर करताना दिसतो. त्यात कधी ते आरती गाताना तर कधी नवीन गोष्टी शिकताना दिसतात. तर बऱ्याचदा ते रिती-रिवाजांचा हिस्साही बनतात. त्यामुळे हा व्हिडीओ सोशल मीडियावर बराच व्हायरल होत आहे.
नेटकरीही या व्हिडीओवर कमेंट व लाईकचा वर्षाव करताना दिसत आहे. नेटकरी रितेश व जिनिलियाचं कौतुकही करत आहे. त्यांनी मुलांवर दिलेल्या संस्कारासाठी त्यांचं विशेष कौतुक होत आहे. एका नेटकऱ्याने कमेंट केली, ‘सगळ्या बॉलिवूड इंडस्ट्रीत यांचीच मुलं आहेत जी इतका आदर देतात. हाथ जोडून नमस्कार करणं. बाकीचे बॉलिवूड कलाकार मंडळी तर असेच निघून जातात’. तर दुसऱ्या नेटकऱ्याने लिहीलं की, ‘अशी असतात संस्कारी मुलं वाहह नायतर शाहरुखची मुलं ड्रग्स करण्यात सराईत. मीडियाला नीट प्रतिसादच नाही देत’, अशी कमेंट करत त्यांच्या संस्कारांचं कौतुक केलं आहे.