दिशा परमार व राहुल वैद्य सध्या त्यांची लाडकी लेक नव्यासह खुश असलेले पाहायला मिळत आहेत. दिशाने २० सप्टेंबर २०२३ रोजी मुलीला जन्म दिला, तेव्हपासून मात्र तिने नव्याचा चेहरा स्पष्टपणे दाखवलेला नव्हता. साऱ्या चाहत्यांना नव्याला पाहण्याची उत्सुकता लागून राहिली होती. दिशा व राहुल त्यांच्या लाडक्या लेकीसह ख्रिसमस सेलिब्रेशन करण्यात व्यस्त आहेत. दिशेने तिच्या इंस्टाग्राम अकाऊंटवरुन याची एक खास झलकही शेअर केलेली पाहायला मिळतेय. (Disha parmar Daughter)
काल दिशा परमारने तिच्या इन्स्टा स्टोरीवर तिची मुलगी नव्याचा एक बूमरँग शेअर केला आहे. शेअर केलेल्या व्हिडीओमध्ये नव्या ख्रिसमसच्या झाडाकडे पाहून आनंदाने पाय हलवत आहे. नव्याचा पहिला ख्रिसमस राहुल व दिशा कुटुंबासह साजरा करत आहेत. या व्हिडीओची खास बाब म्हणजे नव्याची यांत झलक पाहायला मिळाली. व्हिडीओतील चिमुकलीचे हसणे पाहण्यासारखे आहे.
राहुल वैद्यने याआधी वडील झाल्यानंतर त्याच्या आयुष्यात झालेल्या बदलांबद्दल सांगितले. तेव्हा राहुलला विचारले गेले की त्याची मुलगी कोणासारखी दिसते, तेव्हा त्याने लगेच उत्तर दिले की, ती तिची आई दिशासारखी दिसते. त्यानंतर राहुलने लवकरच मुलीची सर्वांशी ओळख करून देईन, असे आश्वासन दिले होते.
दिशा परमार व राहुल वैद्य ‘बिग बॉस’मधील त्यांच्या नात्यामुळे चर्चेत आले होते. त्यानंतर दोघेही एकमेकांना वाचन दिल्याप्रमाणे लग्नबंधनात अडकले. आई-बाबा होणार असल्याची गुडन्यूजही त्यांनी चाहत्यांसह शेअर केली. अखेर दिशाने गोंडस अशा मुलीला जन्म दिला. नव्या राहुल वैद्य असे त्यांच्या लेकीचे नाव आहे. कित्येक दिवस चाहत्यांना नव्याचा चेहरा पाहण्याची उत्सुकता लागून राहिली होती. शेवटी दिशाने ख्रिसमसच औचित्य साधत तिच्या लेकीचा चेहरा दाखवला असल्याने चाहत्यांमध्ये आनंदच वातावरण पाहायला मिळत आहे.
