PT Usha Husband Death : भारतीय ऑलिम्पिक संघटनेचे अध्यक्ष आणि राज्यसभा खासदार पीटी उषा यांचे पती व्ही. श्रीनिवासन यांचे आज शुक्रवार दिनांक. ३० जानेवारी रोजी पहाटे निधन झाले. श्रीनिवासन पहाटे एक वाजण्याच्या सुमारास त्यांच्या थिक्कोडी पेरुमलपुरम येथील घरी कोसळले. त्यांनतर त्यांना तातडीने जवळच्या खासगी रुग्णालयात नेण्यात आले, तेथे डॉक्टरांनी त्यांना मृत घोषित केले. पीटी उषा संसदीय अधिवेशनातून परतत असताना आणि घरी उपस्थित नसताना ही घटना घडली. पीटी उषा यांचे पती व्ही श्रीनिवासन हे ६७ वर्षांचे होते. व्ही. श्रीनिवासन यांचा जन्म वेंगाली तरवाडा, कुट्टीक्कड पोन्नानी येथे नारायणन आणि सरोजिनी यांच्या पोटी झाला.
व्ही. श्रीनिवासन केंद्रीय औद्योगिक सुरक्षा दल (CISF) मध्ये उपअधीक्षक म्हणून निवृत्त झाले. त्यांनी १९९१ मध्ये दूरच्या नातेवाईक पीटी उषा यांच्याशी लग्न केले. श्रीनिवासन यांच्या अंत्यसंस्काराची तयारी अद्याप ठरलेली नाही. पीटी उषा यांच्या पतीच्या आकस्मिक निधनाने सर्वांनाच मोठा धक्का बसला आहे. श्रीनिवासन शुक्रवारी पहाटे त्यांच्या निवासस्थानी बेशुद्ध पडले, त्यानंतर त्यांना ताबडतोब जवळच्या रुग्णालयात नेण्यात आले परंतु त्यांना वाचवता आले नाही. माजी केंद्र सरकारचे कर्मचारी श्रीनिवासन हे उषा यांच्या संपूर्ण क्रीडा कारकीर्दीत आणि राजकीय कारकिर्दीत राहिले. ते उषा यांचा भक्कम आधार आणि त्यांच्या अनेक व्यावसायिक यशामागील प्रेरक शक्ती मानले जायचे. या दाम्पत्याला उज्ज्वल नावाचा मुलगा आहे.
किरेन रिजिजू यांनी ट्विट केले की, राज्यसभा खासदार आणि भारतीय ऑलिम्पिक असोसिएशनच्या अध्यक्षा पीटी उषा जी यांचे पती व्ही. श्रीनिवासन जी यांच्या निधनाची बातमी कळताच खूप दुःख झाले. उषा जी आणि शोकाकुल कुटुंबाप्रती माझ्या मनापासून संवेदना. या कठीण काळात शक्ती मिळो ही प्रार्थना.
