Prathamesh Parab Kshitija Ghosalkar Marriage : सिनेसृष्टीत सध्या लगीनघाई सुरु असलेली पाहायला मिळत आहे. अशातच अभिनेता प्रथमेश परबचा शाही विवाहसोहळा संपन्न झाला आहे. प्रथमेश परबने त्याची गर्लफ्रेंड क्षितिजा घोसाळकरसह लगीनगाठ बांधली आहे. बरीच वर्ष एकमेकांना डेट केल्यानंतर अखेर ही जोडी लग्नबंधनात अडकली आहे. दोघांच्या विवाहसोहळ्याचे फोटो, व्हिडीओ समोर आले असून यांत नववधूवरांच्या लूकने साऱ्यांचं लक्ष वेधून घेतलं आहे. कोणताही अवाढव्य खर्च न करता अत्यंत साधेपणाने त्यांनी विवाहसोहळा उरकला असल्याचं दिसत आहे.
गेल्या काही दिवसांपासून प्रथमेश परबच्या लग्नाची जोरदार चर्चा सुरु असलेली पाहायला मिळत होती. अशातच अखेर आता प्रथमेश लग्नबंधनात अडकला आहे. प्रथमेश व क्षितिजाच्या लग्नसोहळ्यातील खास मराठमोळ्या लूकने साऱ्यांचं लक्ष वेधून घेतलं होतं. प्रथमेशने लग्नासाठी खास पारंपरिक असा पांढऱ्या रंगाचा कुर्ता व गुलाबी रंगाचं धोतर परिधान केलं होतं. तर क्षितिजाने पिवळ्या रंगाची नऊवारी साडी परिधान केली होती. इतकंच नव्हे तर क्षितिजाने घातलेल्या मोत्यांच्या दागिन्यांनी नवऱ्या मुलीचं लूक खुलून आलं होतं.
प्रथमेश व क्षितिजा यांचा वरमाला घालतानाचा एक व्हिडीओ सोशल मीडियावर व्हायरल होत आहे. या व्हिडीओमधील दोघांच्या एका कृतीने साऱ्यांचं लक्ष वेधून घेतलं आहे. लग्न लागताच प्रथमेश त्याच्या बायकोच्या पाया पडला. तर क्षितिजानेही प्रथमेशच्या पाया पडत आशीर्वाद घेतले. सध्या दोघांचा हा व्हिडीओ सोशल मीडियावर तुफान व्हायरल होत आहे. हा व्हिडीओ पाहून चाहत्यांनी दोघांच्या संस्काराचे कौतुक केलेलं पाहायला मिळत आहे.
अत्यंत साधेपणाने व मराठमोळ्या पद्धतीने प्रेक्षकांच्या या लाडक्या जोडीचा विवाहसोहळा पार पडला आहे. दोघांच्या लग्नाला जवळचे नातेवाईक व कुटुंबीय उपस्थित असल्याचं पाहायला मिळालं. याआधीही प्रथमेशच्या हळदी समारंभाच्या फोटोंची चर्चा रंगली होती. त्यांच्या हळदी समारंभालाही साऱ्यांनी धमाल करत डान्स केलेला पाहायला मिळाला. तसेच प्रथमेशच्या बायकोचे हळदी व मेहंदीचे फोटोही चर्चेत राहिले.