मराठी मालिकाविश्वात लोकप्रिय अभिनेत्रींपैकी एक अभिनेत्री म्हणजे प्राजक्ता माळी. छोट्या पडद्यावरून अभिनेत्री प्राजक्ता माळीने तिची सिनेसृष्टीतील घोडदौड सुरु केली. यशस्वी अभिनेत्री, शिवाय उत्तम कवियित्री तर ती आहेच. यासोबतच प्राजक्ता एक उत्तम व्यावसायिक देखील आहे. तिने पाहिलेल्या स्वप्नांमधील तीच एक उत्तम व्यावसायिक बनण्याचं स्वप्न तिने पूर्ण केलं आहे. प्राजक्ताचं ‘प्राजक्तराज’ या नावाने ज्वेलरी ब्रँड देखील आहे. ‘महाराष्ट्राची हास्यजत्रा’ या कार्यक्रमाचं सूत्रसंचालन अभिनेत्री प्राजक्ता माळी करते. हास्यजत्रेचे चाहतेही प्राजक्ताचे दिवाने आहेत. (Prajakta Mali Birthday Celebration)
एकामागोमाग एक स्वप्न पूर्ण करतानाच प्राजक्ताचं घराचं ही स्वप्न पूर्ण झालं आहे. प्राजक्ताने कर्जत येथे निसर्गाच्या सान्निध्यात फार्महाऊस खरेदी केलं आहे. ‘प्राजक्तकुंज’ असं या फार्महाऊसचं नाव आहे. यंदाचा प्राजक्ताचा वाढदिवस हा खास होता. कारण यंदाच्या तिच्या वाढदिवसाचे खास सेलिब्रेशन हे तिच्या स्वप्नपूर्ती झालेल्या फार्महाऊसवर दणक्यात साजरे करण्यात आले. प्राजक्ताचा यंदाचा वाढदिवस हा हास्यजत्रेतील कलाकार मंडळींनी साजरा केला.
पाहा प्राजक्ताच्या वाढदिवसाचं खास सेलिब्रेशन (Prajakta Mali Birthday Celebration)
प्राजक्ताने उशिरा का होईना सेलिब्रेशनची एक खास पोस्ट शेअर केली आहे. यांत तिने म्हटलं आहे की, “यंदाचा वाढदिवस माझा हसून साजरा झाला. माझ्या खास लोकांसोबत, महाराष्ट्राची हस्यजत्रेच्या माझ्या टीमसोबत, मित्र परिवार आणि कुटुंबीयांसोबत मी साजरा केला. या सर्वांनी माझा दिवस अधिक सुंदर बनवला. माझ्या सर्व चाहत्यांचे आणि फॅन पेजेसचे मला आभार मानता आले नाहीत, तुमच्याकडून येणारी प्रत्येक इच्छा माझ्यासाठी खूप महत्त्वाची आहे”.
“तुमच्या आशीर्वादाची मला गरज आहे”. असं म्हणत तिने वाढदिवसाच्या सेलिब्रेशनचे फोटो, व्हिडीओ पोस्ट केले आहेत. यांत अभिनेता समीर चौघुलेने प्राजक्ताचं औक्षण केलं आहे, तर प्राजक्ताने दिग्दर्शक सचिन गोस्वामी यांच्या पाया पडून त्यांचे आशीर्वाद घेतले आहेत”.
प्राजक्ताच्या वाढदिवसानंतर लगेचच ओंकार राऊतचा ही वाढदिवस होता. त्याचाही वाढदिवस प्राजक्ताच्या फार्महाऊसवर साजरा करण्यात आला. ओंकारच्या वाढदिवसाच्या सेलिब्रेशनचा व्हिडीओही प्राजक्ताने सोशल मीडियावरून शेअर केला आहे. तसेच प्राजक्ताच्या फार्महाऊसवर कलाकारांनी गाणी गात धमाल मस्ती ही केली आहे.