हिंदी टीव्ही जगतातील लोकप्रिय अभिनेत्री रुबिना दिलैक सध्या तिच्या गरोदरपणामुळे चर्चेत आली आहे. रुबिना व तिचा पती अभिनव शुक्ला लवकरच आई-बाबा होणार आहे. काही दिवसांपूर्वी रुबिनाने तिच्या गरोदरपणाची घोषणा केली. तेव्हापासून ती यासंबंधीची प्रत्येक अपडेट तिच्या चाहत्यांसह शेअर करत असते. सध्या ती तिचा गरोदरपणाचा टप्पा व्यतित करताना दिसत असून ती तिच्या तब्येतीची विशेष काळजी घेताना दिसते. ती या काळात व्यायाम करण्याबरोबरच तिच्या आहाराबाबत विशेष लक्ष देते. त्याचबरोबर, ती सोशल मीडियावर अनेक फोटोशूट करतानाही दिसून येते. (Rubina Dilaik answered to Trollers)
काही दिवसांपूर्वी रुबिनाने पती अभिनवसह गरोदरपणातील फोटोशूट केले होते, ज्याची जोरदार चर्चा झाली होती. दरम्यान, हे फोटोशूट सोशल मीडियावर व्हायरल होताच नेटकऱ्यांनी तिला जोरदार ट्रोल केले होते. आता तिने एक व्हिडीओ शेअर करत या ट्रोलर्सना चोख प्रत्युत्तर दिलं आहे.
हे देखील वाचा – जान्हवी कपूरच्या अफेअरची जोरदार चर्चा, सुशील कुमार शिंदेंच्या नातवाला डेट करत असल्याचं पक्कं, ‘त्या’ कमेंटने वेधलं लक्ष
रुबिनाने नुकतंच इन्स्टाग्रामवर एक व्हिडीओ शेअर केला, ज्यामध्ये ती संत्री खाताना दिसते. गुलाबी रंगाचा साधा ड्रेस आणि डोळ्यात चष्मा असा पेहराव तिने केला होता. या व्हिडिओला तिने “हा व्हिडीओ त्या लोकांसाठी आहे. जे गर्भवती महिलांनी अश्या गोष्टी नाही केल्या पाहिजे वगैरे, अश्या प्रकारच्या कमेंट्स करतात.”, असं कॅप्शन दिलं आहे. तर या व्हिडिओमध्ये ती म्हणाली, “खूपच त्रासदायक, खूपच नकारात्मकता, त्यांनी इथून निघून जाणे पसंत करावे.” तिच्या या व्हिडिओवर नेटकरी प्रतिक्रिया देत अभिनेत्रीचं कौतुक करत आहे.
हे देखील वाचा – “म्हातारा भाईजान बुटक्याला…”, प्रसिद्ध बॉलिवूड अभिनेत्याने सलमान व आमिर खानची उडवली खिल्ली, म्हणाला, “सुपरफ्लॉप…”
याआधीही रुबिनाने या काळातील अनेक फोटोशूट केले होते. काही दिवसांपूर्वी तिने काळ्या रंगाच्या टाइट-फिट जंपसूटमध्ये एक फोटोशूट शेअर केला होता. ज्यामध्ये ती बेबी बंप फ्लॉंट करताना दिसली. मात्र, तिच्या या फोटोशूटमुळे तिला जोरदार ट्रोलिंगचा सामना करावा लागला. आता तिने या व्हिडिओतून ट्रोलर्सना सडेतोड उत्तर दिलं आहे. रुबिना गेली अनेक वर्ष या इंडस्ट्रीत सक्रिय असून तिने ‘बिग बॉस’सह अनेक मालिकांमध्ये दिसली. सध्या ती ब्रेकवर असून ती या गरोदरपणाचा आनंद घेताना दिसत आहे. विशेष म्हणजे, रुबिनाची बहीण देखील लवकरच आई होणार असल्याची गुड न्यूज तिने तिच्या चाहत्यांसह शेअर केली आहे.
