Famous Actress Engagement Post : टीव्हीवरील लोकप्रिय मालिका ‘ये रिश्ता क्या कहलाता है’ मधून घराघरात पोहोचलेली अभिनेत्री नविका कोटिया सध्या तिच्या वैयक्तिक आयुष्यामुळे चर्चेत आहे. नविकाने नुकतीच तिच्या साखरपुड्याची आनंदाची बातमी चाहत्यांसोबत शेअर केली असून, तिचा एंगेजमेंट प्रपोजल व्हिडीओ सोशल मीडियावर चांगलाच व्हायरल होत आहे. ९ जानेवारी २०२६ रोजी नविकाने इन्स्टाग्रामवर हा खास व्हिडीओ पोस्ट केला. या व्हिडीओमध्ये तिचा होणारा पती माजेन मोदी अतिशय रोमँटिक अंदाजात तिला प्रपोज करताना दिसतो. माजेन हा पेशाने रिअल इस्टेट डेव्हलपर असून, दोघांचा साखरपुडा अतिशय खासगी पद्धतीने पार पडला.
या व्हिडीओत नविका गुलाबी रंगाच्या सुंदर ड्रेसमध्ये दिसते, तर तिच्या डोळ्यांवर पट्टी बांधलेली असते. बर्फाळ परिसरात ‘Marry Me’ असा सुंदर सेटअप करण्यात आला होता. लाल गुलाब, शॅम्पेनचे ग्लास आणि “Navika, I Love You” असा खास केकही या प्रपोजलचा भाग होता. काळ्या सूटमध्ये दिसणारा माजेन गुडघ्यावर बसून नविकाला प्रपोज करतो आणि हा क्षण नविकासाठी अत्यंत भावनिक ठरतो. (Famous Actress Engagement Post)
हा व्हिडीओ शेअर करताना नविकाने याला “आतापर्यंतचं सर्वात खास सरप्राईज” असं म्हटलं आहे. विशेष म्हणजे, माजेनने ३० डिसेंबर रोजी नविकाला प्रपोज केल्याचंही समोर आलं आहे. नविकाच्या या खास पोस्टवर वाहबिज दोराबजी, प्रणाली राठोड, कृतिका देसाई, उल्का गुप्ता, निहारिका चौकसे आणि निधी उत्तम यांसारख्या अनेक कलाकारांनी कमेंट्स करत तिला शुभेच्छा दिल्या आहेत. दरम्यान, नोव्हेंबर २०२५ मध्ये दिलेल्या एका मुलाखतीत नविकाने जानेवारी २०२६ मध्ये साखरपुडा होणार असल्याचं संकेत दिले होते. त्याआधी नविका आणि माजेन यांचा पारंपरिक जैन पद्धतीने साध्या स्वरूपात एक विधी पुण्यात पार पडल्याचीही माहिती समोर आली होती. (Famous Actress Engagement Post)
