आज गुढीपाडवानिमित्त सर्वत्र आनंदाचे व उत्साहाचे वातावरण आहे. सर्वत्र गुढीपाडवा जल्लोषात व उत्साहात साजरा केला जात आहे. ठिकठिकाणी आज गुढीपाडव्यानिमित्त शोभायात्रांचे आयोजन केले गेले आहे. सामान्य व्यक्तीसह मराठी मनोरंजन विश्वातील कलाकार मंडळी त्यांचा हा गुढीपाडवा साजरा करत आहे. मराठी मनोरंजन विश्वातील अनेक कलाकारांनी सोशल मीडियावर आजच्या या खास गुढीपाडव्याचे पारंपरिक अंदाजातले फोटो सोशल मीडियावर शेअर केले आहेत.
मराठी मनोरंजन विश्वातील अनेक कलाकार मंडळींचा यंदाचा लग्नानंतरचा पहिलाच गुढीपाडवा आहे. त्यामुळे त्यांच्यासाठी हा गुढीपाडवा खपच खास आहे. मराठी मनोरंजन विश्वातील प्रथमेश परब व क्षितिजा घोसाळकर, प्रथमेश लघाटे व मुग्धा वैशंपायन, तितीक्षा तावडे व सिद्धार्थ बोडके, पूजा सावंत व सिद्धेश चव्हाण, पियुष रानडे व सुरुची अडारकर या कलाकारांचा पहिलाच गुढीपाडवा आहे.
त्यामुळे आजच्या या पहिल्या गुढीपाडव्यानिमित्त सोशल मीडियावर खास फोटो शेअर करत त्यांनी गुढीपाडव्याच्या शुभेच्छा दिल्या आहेत. प्रथमेश-क्षितिजा यांनी “संस्कृतीच्या क्षितिजावर, पहाट नवी उजळून आली. आयुष्यात पुन्हा नव्याने, क्षण सोन्याचे घेऊन आली” असं म्हणत खास फोटो शेअर केले आहेत. गुढीपाडव्याच्या या खास शूटसाठी त्यांनी खास लूकही केला आहे.
तर सुरुची-पीयूष, मुग्धा-प्रथमेश, पूजा-सिद्धेश यांनीही गुढीपाडवा व नवीन वर्षाच्या हार्दिक शुभेच्छा असं म्हणत सर्वांना गुढीपाडव्याच्या शुभेच्छा दिल्या आहेत. दरम्यान, या कलाकारांनी शेअर केलेल्या या फोटोला चाहत्यांनी लाईक्स व कमेंट्सद्वारे चांगलाच प्रतिसाद दिला आहे. तसेच चाहते मंडळींनीही सोशल मीडियावर कमेंट्सद्वारे गुढीपाडव्यानिमित्त आपल्या आवडत्या कलाकारांना शुभेच्छा दिल्या आहेत.
