Paaru Fame Actress Buy New Car: ‘झी मराठी’ वाहिनीवरील लोकप्रिय मालिका ‘पारू’ सध्या प्रेक्षकांच्या विशेष चर्चेत आहे. मालिकेतील प्रत्येक पात्राने आपल्या अभिनयातून प्रेक्षकांच्या मनात वेगळी छाप उमटवली आहे. या मालिकेमधील प्रिया हे पात्र प्रेक्षकांना विशेष आवडल आहे. प्रेमळ स्वभाव, संयम आणि कुटुंबासाठी घेतलेली ठाम भूमिका यामुळे प्रिया घराघरात पोहोचली आहे. ‘पारू’ मालिकेत प्रिया हे पात्र अभिनेत्री संजना काळे साकारत असून या भूमिकेमुळे तिला मोठी लोकप्रियता मिळाली आहे. मालिकेतील तिच्या अभिनयासोबतच संजना सोशल मीडियावरही सक्रिय असते. ती आपल्या दैनंदिन आयुष्यातील खास क्षण, फोटो, व्हिडीओ आणि डान्स रील्स चाहत्यांसोबत शेअर करत असते.
दरम्यान, संजना काळेने नुकतीच तिची नवीन कार घेतल्याची आनंदाची बातमी चाहत्यांसोबत शेअर केली आहे. तिने रेनॉल्ट (Renault) कंपनीची कार खरेदी केली असून, या गाडीची किंमत अंदाजे सहा लाख ते साडे नऊ लाख रुपयांच्या दरम्यान असल्याचं सांगितलं जात आहे. संजनाने शेअर केलेल्या व्हिडीओमध्ये ती कार शोरूममध्ये दिसत असून, खरेदी प्रक्रियेदरम्यान कागदपत्रांवर सह्या करतानाचे क्षणही पाहायला मिळत आहेत. यानंतर तिने आपल्या नव्या गाडीची पूजा केली. गाडीची चावी स्वीकारतानाचा फोटोही तिने शेअर केला आहे. (Paaru Fame Actress Buy New Car)
व्हिडीओच्या शेवटी संजना स्वतः गाडी चालवताना दिसत असून, यावेळी तिने सुंदर साडी परिधान केल्याचं पाहायला मिळत आहे. या व्हिडीओसोबत तिने साध्या शब्दांत “माझी नवीन कार” असं कॅप्शन लिहिलं आहे. संजना काळेच्या या पोस्टवर चाहत्यांनी भरभरून शुभेच्छा दिल्या आहेत. अनेकांनी ‘अभिनंदन’ म्हणत तिचं कौतुक केलं आहे, तर अनेकांनी हार्ट इमोजी शेअर करत तिच्यावर प्रेम व्यक्त केलं आहे. (Paaru Fame Actress Buy New Car)
