parag tyagi shefali jariwala ganpati : सर्वत्र गणपती बाप्पा विराजमान झाले आहेत. अशातच अभिनेते पराग त्यागी दरवर्षी पत्नी शेफाली जरीवालाबरोबर गणपती बप्पा घरी आणत असत आणि कुटुंबासमवेत त्यांची सेवा करत असत. यावेळीही, पराग त्यागी यांनी गणेश चतुर्थीच्या निमित्ताने गणपती बाप्पांना घरी आणले आहे, पण यावेळी शेफाली त्याच्याबरोबर नव्हती. २७ जून रोजी शेफालीचा हृदयविकाराच्या झटक्याने मृत्यू झाला. जेव्हा पराग त्यागीने बाप्पाला घरी आणले, तेव्हा साऱ्यांनाच शेफालीची कमतरता भासू लागली. गणपती बाप्पाची आरती केल्यानंतर त्याने शेफालीच्या फोटोसमोर बाप्पाना ठेवले.
यावेळी पराग त्यागीबरोबर शेफालीची आई आणि परागची सासू सुनिता जरीवाला होती. पराग त्यागीच्या चेहऱ्यावर हास्य होते, परंतु मनामध्ये खूप दु: ख आणि वेदना होते, जे त्याच्या डोळ्यांत स्पष्ट होते. पराग त्यागीने आपल्या इन्स्टाग्राम अकाउंटवर हा व्हिडीओ शेअर केला, ज्यामध्ये तो गणपती बाप्पाची आरती सादर करताना दिसत आहे. यानंतर, शेफालीचा फोटो परागने त्याच्या हृदयावर कोरला आहे आणि तिलाही बाप्पाचे दर्शन दिले आहे.
आणखी वाचा – ऐश्वर्या नारकरांनी स्वतःच्या हाताने बनवले उकडीचे मोदक, गृहिणींना खास टिप्सही दिल्या, व्हिडीओ समोर
परागने हा व्हिडीओ शेअर करत असं लिहिले, “परीला नेहमी बाप्पा घरी यावे आणि त्यांनी आशीर्वाद द्यावे अशी इच्छा होती. यावर्षीही बाप्पा येऊन माझ्या बाळाला (शेफाली जरीवाला) आशीर्वाद दिला. आम्ही सर्वांनी एकत्र येत बाप्पाचे विसर्जन केले. नेहमी हसत रहा. आई सुनिता जरीवाला यांनी खूप मेहनत घेतली. मी नेहमीच तुझ्यावर प्रेम करतो परी”. पराग त्यागीचा हा व्हिडीओ पाहून, चाहते भावुक झाले आणि म्हणाले की, आजपर्यंत पराग त्यागीसारख्या व्यक्तीला पाहिले नाही.
आणखी वाचा – अंकिता वालावलकरने पार पाडली सूनेची जबाबदारी, माहेरनंतर सासरच्या गणपतीच्या सेवेत रुजू, म्हणाली, “आयुष्यभर…”
एका चाहत्याने लिहिले, “जेव्हा जेव्हा मी तुमची पोस्ट पाहतो तेव्हा मला खूप वाईट वाटते. दुःख म्हणजे आयुष्य आपल्यासाठी इतके अन्याय करीत आहे आणि दुःख म्हणजे केवळ एक शुद्ध प्रेम जे केवळ सापडले आहे, पृथ्वी आणि आकाशाने ते वेगळे केले आहे”. दुसर्या चाहत्याने लिहिले, “हा मनुष्य आश्चर्यकारक आहे. मी आजपर्यंत अशा व्यक्तीला पाहिले नाही. पत्नीवर खूप प्रेम करतो”. तर आणखी एकाने कमेंट करत म्हटलं, “गणपती बाप्पा कृपया सरांचे रक्षण करा”. अलीकडेच शेफाली जरीवालाचा एक व्हिडीओ समोर आला, जो २०२४ चा होता. या व्हिडीओमध्ये शेफालीने पती परगसह गणपती बाप्पांना घरी आणले आणि सगळेच खूप आनंदी दिसले. तो व्हिडीओ पाहिल्यानंतर चाहते भावुक झाले.
