paaru marathi serial : ‘झी मराठी’ वाहिनीवरील मालिका नेहमीच प्रेक्षकांचं भरभरुन मनोरंजन करतात. त्यातही ‘पारू’ या मालिकेने प्रेक्षकांचं विशेष लक्ष वेधलं आहे. सध्या या मालिकेत एक अतिशय महत्त्वाचं आणि भावनिक वळण आल्याचं पाहायला मिळत आहे. ‘झी मराठी’ वाहिनीने नुकताच या मालिकेचा नवीन प्रोमो शेअर केला आहे. यांत आदित्य आणि पारू किर्लोस्कर मेन्शनमध्ये आल्याचं पाहायला मिळत आहेत. आदित्य-पारू आल्यापासून अहिल्यादेवी मात्र नाराज असतात. आणि ते आदित्य-पारूला बघून घेत नाहीत. यादरम्यान त्रागा केल्याने अहिल्यादेवी आजारी पडतात.
समोर आलेल्या प्रोमोमध्ये आदित्यची आई अहिल्यादेवी गंभीर आजारी असल्याचं दिसत आहे . हे पाहून पारू घाबरते आणि अहिल्यादेवींची काळजी घेताना दिसते. आधीपासूनच पारूला अहिल्यादेवींची काळजी वाटत असते. अहिल्यादेवींच्या नखालाही धक्का लागता कामा नये यासाठी पारूने विशेष काळजी घेतलेली असते. मात्र यावेळी पारूवरील राग अहिल्यादेवींच्या मनात असतो. आणि रागाच्या भरात अहिल्यादेवी पारूची मदत नाकारतात आणि म्हणतात “माझं जर काही झालं, तर तुला विरोध करायला कोणी राहणार नाही…!”.
आणखी वाचा – ‘शिर्डी के साई बाबा’ फेम अभिनेते सुधीर दळवींची प्रकृती चिंताजनक, उपचार सुरु, कुटुंबीयांनी मागितली आर्थिक मदत
अहिल्यादेवींचे हे वाक्य ऐकून पारू भावुक होत म्हणते “असं काही बोलू नका… तुम्हाला काही होणार नाही…”. त्यावर अहिल्यादेवी तिला कठोर शब्दांत सांगतात “तू एका आईला तिच्या मुलापासून दूर केलंस… त्याचं पाप तुला नक्की लागेल”. हे ऐकताच पारू मोठा निर्णय घेते आणि म्हणते “जर असं असेल तर मी आदित्य सरांच्या आयुष्यातून निघून जाईन. तुमचा मुलगा म्हणून आदित्य सर नेहमी तुमच्यासोबत राहतील.. हे माझं वचन आहे”.
असं म्हणून पारू तिथून बाहेर पडते. अहिल्यादेवींच्या बोलण्याने पारूने घेतलेला हा मोठा निर्णय आता आदित्य-पारूला वेगळं करणार का?, हा प्रश्न साऱ्यांना सतावत आहे. पारू आदित्यच्या आयुष्यातून दूर जाण्याचा निर्णय घेताना दिसल्याने खरंच ती आदित्यच्या आयुष्यातून निघून जाणार का?, हे पाहणं रंजक ठरेल.
