Paaru fame sharayu sonawane : कलाकार मंडळी म्हटलं की त्यांना शूटिंगसाठी त्रास हा सहन करावाच लागतो. बरेचदा अशी काही कलाकार मंडळी आहेत ज्यांना शूटिंग लोकेशन घरापासून दूर, बाहेरच्या शहरात असल्याने त्यांना लांब जावे लागते. ही मंडळी सुट्टीच्या दिवशी घराकडे परततात. इतकंच नाही तर या कलाकार मंडळींना त्यांच्या घरापासून दूर राहून काम करावे लागते. विशेषतः मालिकेतील कलाकरांना हा त्रास सहन करावा लागतो. मालिकेच्या शुटिंगचे लोकेशन्स हे गावाकडे आल्यावर तर ही समस्या अधिक भेडसावते. असंच काहीस झालं आहे पारू मालिकेतील कलाकारांचं. पारू मालिकेचं शूटिंग हे सातारा येथे सुरु आहे. त्यामुळे मालिकेतील ही कलाकार मंडळी शुटिंगनिमित्त घरापासून दूर आहेत.
अशातच ‘पारू’ मालिकेतील पारूने म्हणजेच शरयू सोनावणेने शुटींगच्या वेळातून वेळ काढत सेटजवळच वटपौर्णिमा साजरी केली आहे. वटपौर्णिमेचा व्हिडीओ शेअर करत तिने साऱ्यांचे लक्ष वेधले आहे. शरयूने अगदी शॉर्ट कुर्ती आणि लेगिन्स परिधान करतच व्यस्त वेळापत्रकातून परंपरा जपली आहे. यावेळी तिने ड्रेसिंगला प्राधान्य न देता परंपरेला प्राधान्य दिलं. शरयूने शेतजवळ असणाऱ्या वडाच्या झाडाला सात फेरे घेत पतीच्या दीर्घायुष्यासाठी प्रार्थना केली. हा व्हिडीओ तिने तिचा पती जयंत लादेलाही टॅग केला आहे.
अभिनेत्री तिच्या खऱ्या आयुष्यातील लग्नामुळे खूप चर्चेत राहिली. शरयूने तिच्या लग्नाच्या थेट वर्षभराने लग्न केलं असल्याची आनंदाची बातमी चाहत्यांना दिली. अभिनेत्रीच्या या आनंदाच्या बातमीने अनेकांना धक्का बसला. थेट लग्नाला एक वर्ष पूर्ण होताच शरयूने लग्नसोहळ्यात खास फोटो शेअर करत आनंदाची बातमी चाहत्यांना दिली. पारूने निर्माता जयंत लादेसह साखरपुडा समारंभ उरकत त्याचे काही फोटो सोशल मीडियावरुन शेअर केले होते. मात्र त्यानंतर त्यांनी केव्हा लग्न केलं हे कळलच नाही.
आणखी वाचा – पारंपरिक लूक, मराठमोळा साज अन्…; रेश्मा शिंदेची पहिली वटपौर्णिमा, साऊथ इंडियन पतीसह घेतले सात फेरे
जयंत व शरयू अनेकदा त्यांचे एकत्र असतानाचे फोटो शेअर करत असतात. शूटिंगच्या वेळातून वेळ काढत ते एकमेकांना वेळ देतात. शरयू मालिकेच्या शूटिंगसाठी सातारा येथे आहे तर जयंत त्याच्या कामानिमित्त पुणे, मुंबई हा दौरा करत असतो. मात्र वेळ मिळाला की ते दोघेही एकमेकांना भेटतात. पारू मालिकेमुळे शरयूला खऱ्या अर्थाने लोकप्रियता मिळाली आहे. या मालिकेतील तिच्या भूमिकेचं आणि अभिनयाचं नेहमीच कौतुक होताना पाहायला मिळतं.
