Oscar Awards 2024 : जगातील सर्वात मोठ्या पुरस्कारांपैकी एक असलेल्या अकादमी पुरस्कारांची घोषणा झाली आहे. एकामागून एक अनेक श्रेणींमध्ये ऑस्कर पुरस्कार देण्यात आले आहेत. विजेत्यांव्यतिरिक्त, या अवॉर्ड फंक्शनमध्ये इतरही अनेक खास क्षण आहेत, ज्यांची सर्वत्र चर्चा सुरु आहे. असाच काहीसा प्रकार यंदाच्या ऑस्कर समारंभात घडला जेव्हा अभिनेता जॉन सीना अचानक कपड्यांशिवाय स्टेजवर आला आणि त्याला पाहून सगळेच थक्क झाले. जॉन सीनाने नग्नावस्थेत येण्याचे महत्त्व व्यक्त केले. या अभिनेत्याला होस्ट जिमी किमेलने एका सेगमेंटसाठी स्टेजवर बोलावले होते ज्यामध्ये जॉन सीना नग्न अवस्थेत दिसला.
या सोहळ्यात डब्ल्यूडब्ल्यूईमधील जगप्रसिद्ध रेसलर जॉन सीनाने हजेरी लावली, सध्या त्याच्या एंट्रीची सोशल मीडियावर खूप चर्चा होत आहे. जॉन सीना नग्नावस्थेत स्टेजवर आला आणि त्याने किमेलला सांगितले की, तो शेवटच्या क्षणी या भागाला पुढे जाऊ देणार नाही, हे बोलणे ऐकून प्रेक्षकांमधून हशा पिकला. जॉन हळूच लाजत स्टेजवर येतो आणि येऊन माइकजवळ उभा राहतो. जॉन सीनाने किमेलला सांगितले की, “पुरुष शरीर हा विनोद नाही. ते माझे आहे”.
John Cena walks onto the #Oscars stage. https://t.co/UNgGySGz3r pic.twitter.com/zPrsl5oiCy
— Variety (@Variety) March 11, 2024
जॉन सीना एक मोठा लिफाफा घेऊन आपलं शरीर लपवत ऑस्कर २०२४च्या मंचावर हळू हळू चालत गेला. त्या दरम्यान त्याला थोड्या अडचणीचा सामना करावा लागला. त्याला लिफाफा उघडता आला नाही. जॉन सीना म्हणाला, “वेशभूषा खूप महत्त्वाची आहे. कदाचित सर्वात महत्वाची गोष्ट”. जॉन सीना खरंतर सर्वोत्कृष्ट वेशभूषेसाठीचे नामांकन जाहीर करण्यासाठी आला होता. त्यानंतर काही लोक येऊन त्यांला कापडाने झाकतात. जॉनचे काही व्हिडीओ व्हायरल झाले आहेत.
यंदाच्या पुरस्कार सोहळ्यात ‘पुअर थिंग्ज’ला सर्वोत्कृष्ट कॉस्च्युम डिझाइनचा ऑस्कर मिळाला. हेअर आणि मेकअप, प्रोडक्शन डिझाइन व कॉस्च्युमसाठी लागोपाठ दोन विजयांसह हा चित्रपट पहिला मल्टिपल ऑस्कर विजेता ठरला. तीन विजयांनी यॉर्गोस लॅन्थिमोसच्या चित्रपटासाठी ही खूप मोठी पोचपावती ठरली.
