अनंत अंबानी व राधिका मर्चंटच्या प्री-वेडिंग फंक्शनची सध्या सोशल मीडियावर चांगलीच चर्चा रंगलेली पाहायला मिळत आहे. बॉलीवूड, हॉलिवूड ते क्रिकेट जगतातील अनेक कलाकारांनी या कार्यक्रमाला हजेरी लावली. अंबानीं कुटुंबियांच्या या फंक्शनमध्ये अनेक कलाकारांनी परफॉर्मन्सही दिला. मात्र नीता अंबानींनी केलेल्या डान्सने सगळ्यांवर छाप पाडली. अनंत अंबानी व राधिका मर्चंटच्या प्री-वेडिंग फंक्शनमध्ये नीट अंबानी यांनी केलेला डान्स चर्चेत आला आहे. (Anant Ambani-Radhika Merchant Pre Wedding)
अनंत व राधिकाच्या प्री-वेडिंग फंक्शनमध्ये संपूर्ण बॉलीवूड थिरकताना दिसलं. रिहाना ते अकानपर्यंत अनेक आंतरराष्ट्रीय कलाकारांनी लाइव्ह स्टेज परफॉर्मन्सही दिला. मात्र, एकट्या मुकेश अंबानी यांच्या पत्नी नीता अंबानी यांनी या सगळ्यावर पडदा टाकला, असं म्हणणं चुकीचं ठरणार नाही. नीता अंबानी यांचा परफॉर्मन्स पाहून सगळेच थक्क झाले. नीता अंबानी यांच्या नृत्याचा व्हिडीओ सोशल मीडियावर समोर येताच व्हायरल झाला. धाकट्या लेकाच्या प्री-वेडिंग कार्यक्रमात नीता अंबानी यांनी आई अंबेला समर्पित विश्वंभरी स्तुती केली.
या नृत्याच्या माध्यमातून नीता अंबानी यांनी आपल्या मुलाच्या व सुनेच्या सुखी आयुष्यासाठी आई अंबेकडे प्रार्थना केली. याशिवाय, त्यांनी केलेलं हे नृत्य नातवंडे शक्ती, वेद व आदित्य आणि शक्तीचे प्रतीक असलेल्या सर्व महिलांना समर्पित केलं आहे. नीता अंबानी यांच्या या नृत्याचे खूप कौतुक झालं. सोशल मीडियावर हा व्हिडीओ व्हायरल होताच, नेटकऱ्यांनी हा चित्रपटाचा सेट वाटत असल्याचं म्हटलं आहे तर नीता अंबानी या अभिनेत्री वाटत आहेत, असं म्हटलं आहे. अनंत व राधिका मर्चंटच्या प्री-वेडिंग फंक्शनमध्ये सारा अली खान, सुहाना खान, अनन्या पांडे, दीपिका पदुकोण, करीना कपूर व आलिया भट्टसह अनेक कलाकारांनी डान्स केला.
अनंत व राधिका मर्चंटच्या प्री-वेडिंगला उपस्थित असलेल्या पाहुण्यांबद्दल सांगायचे झाले तर, सलमान खान, आमिर खान, अनिल कपूर, रणवीर सिंग, शाहरुख खान, अमिताभ बच्चन, जान्हवी कपूर, अनन्या पांडे यांच्यासह अनेक कलाकार मंडळी उपस्थित होते. याशिवाय क्रिकेट जगतातील महेंद्रसिंग धोनी, सचिन तेंडुलकरही कुटुंबासह पोहोचले. मेटा चेअरमन मार्क झुकरबर्ग, मायक्रोसॉफ्टचे मालक बिल गेट्स व डोनाल्ड ट्रम्प यांची मुलगी इवांका ट्रम्प यांनीही या कार्यक्रमाला हजेरी लावली.
