बॉलिवूडच्या ज्येष्ठ अभिनेत्री नीना गुप्ता या लवकरच आजी होणार आहेत. त्यांची मुलगी मसाबा गुप्ता हिने तिच्या गरोदरपणाची घोषणा केली आहे. नीना गुप्ता यांची लेक मसाबा गुप्ता आणि तिचा पती सत्यदीप मिश्रा यांच्या घरी लवकरच एका छोट्या पाहुण्याचे आगमन होणार आहे. मसाबा गुप्ता गरोदर असून लवकरच तिच्या पहिल्या मुलाला जन्म देणार आहे. मसाबा आणि सत्यदीप मिश्रा यांनी ही आनंदाची बातमी सोशल मीडियावर एका खास पोस्टदावरे शेअर केली आहे.
मसाबाने तिच्या इन्स्टाग्रामवर अकाऊंटद्वारे पहिल्या पोस्टमध्ये एका गर्भवती महिलेचा इमोजी शेअर केला आहे. दुसऱ्या पोस्टमध्ये एका महिलेचा व पुरुषाचा डोळ्यात आनंद असलेला इमोजी पोस्ट केला आहे आणि या पोस्टच्या शेवटच्या फोटोमध्ये मसाबा व तिचा पती सत्यदीप मिश्रा दिसत आहेत. या फोटोमध्ये पतीच्या खांद्यावर डोकं ठेवून ती बसली आहे. या फोटोच्या कॅप्शनमध्ये तिने “दोन छोटे पाय आमच्या दिशेने येत आहेत! कृपया प्रेम, आशीर्वाद आणि केळीचे चिप्स (फक्त मीठ असलेल्या) पाठवा” असं म्हटलं आहे. या पोस्टखाली अनेकांनी तिला शुभेच्छा देत तिने अभिनंदन केले आहे.
एकीकडे मसाबाने ही आनंदाची बातमी शेअर केली आहे, तर दुसरीकडे नीना गुप्ता यांनीही आजी झाल्याचा आनंद व्यक्त केला आहे. नीना गुप्ता यांनी त्यांच्या इन्स्टाग्रामवर मसाबा व सत्यदीपचा फोटो शेअर करत “आमच्या मुलांचे मूल येणार आहे. यापेक्षा आनंदाची गोष्ट काय असू शकते” असं म्हटलं आहे.
आणखी वाचा – दिव्यांका त्रिपाठीचा मोठा अपघात, गंभीर दुखापतीनंतर सर्जरीही होणार, नेमकं काय घडलं?
दरम्यान, मसाबाने २०१५ मध्ये निर्माता मधु मंतेनाशी लग्न केलं, पण २०१८ मध्ये हे नातं तुटलं. दोघे वेगळे झाले आणि २०१९ मध्ये त्यांनी घटस्फोट घेतला. गेल्या वर्षी, २७ जानेवारी २०२३ रोजी मसाबाने सत्यदीप मिश्रासोबत लग्न केलं, जो एक अभिनेता आहे. तो आदिती राव हैदरी हिचा माजी पती आहे. २०१३ मध्ये ते दोघेही वेगळे झाले. दुसरीकडे, मसाबासोबतचे लग्न संपल्यानंतर मधुनेही गेल्या वर्षी ११ जून रोजी योग शिक्षिका इरा त्रिवेदीबरोबर लग्न केलं.
