झी मराठी वाहिनीवरील ‘नवरी मिळे हिटलरला’ ही मालिका सध्या प्रेक्षकांचे भरभरून मनोरंजन करत आहे. मालिकेला प्रेक्षकांकडूनहे चांगलाच प्रतिसाद मिळत आहे. मालिकेत नुकताच AJ म्हणजेच (अभिराम जहागीरदार) आणि लीला यांचा लग्नसोहळा पार पडणार आहे. हो, नाही म्हणता म्हणता लवकरच आता हे दोघे लग्नबंधनात अडकणार आहेत. अलीकडेच त्यांचा साखरपुडा पार पडला होता. यानंतर आता मेहंदी सोहळा रंगणार असून मराठी मनोरंजन विश्वातील ‘अस्परा’ही या सोहळ्याला खास हजेरी लावणार आहे.
AJ व लीलाच्या मेहंदी सोहळ्यात अभिनेत्री सोनाली कुलकर्णी खास परफॉर्मन्स करणार आहे. याचा व्हिडीओ ‘इट्स मज्जा’ या इन्स्टाग्राम अकाऊंटद्वारे शेअर करण्यात आला आहे. यावेळी सोनालीने तिच्याच ‘मितवा’ या चित्रपटातील ‘सावर रे’ गाण्यावर खास सादरीकरण केले. तिच्या या सादरीकरणाने चाहत्यांसह उपस्थितांचीदेखील मनं जिंकली आहेत. या व्हिडीओत, सोनाली राखडी रंगाच्या लेहंग्यात पाहायला मिळत आहे. सध्या सोनालीच्या या डान्स परफॉर्मन्सचे व्हिडीओ सोशल मीडियावर चांगलाच व्हायरल होत आहे.
‘झी मराठी’ वाहिनीवर १८ मार्चपासून ‘नवरी मिळे हिटलरला’ नवी मालिका सुरू झाली. अल्पावधीतच या मालिकेने प्रेक्षकांच्या मनात घर निर्माण केलं आहे. या मालिकेत अभिनेता राकेश बापटने साकारलेला AJ (अभिराम जहागीरदार) व वल्लरी विराजने साकारलेली लीला या दोघांना प्रेक्षकांचं विशेष प्रेम मिळतं आहे. दोघांची जोडी चांगली हिट झाली आहे. आता ही जोडी लवकरच लग्नबंधनात अडकणार आहे.
दरम्यान, ‘नवरी मिळे हिटलरला’ मालिकेत राकेश बापट व वल्लरी विराजव्यतिरिक्त शर्मिला शिंदे, माधुरी भरती, सानिका काशीकर, भूमिजा पाटील, भारती पाटील, शीतल क्षीरसागर, उदय साळवी, आलापिनी निसळ, मिलिंद शिरोळे, राज मोरे, असे अनेक कलाकार मंडळीत आहेत. सध्या या मालिकेची लोकप्रियता दिवसेंदिवस वाढताना दिसत आहे
