गणेशोत्सव आणि मुंबईतला गणेशोत्सव हे समीकरणचं निराळं आहे. मुंबईत भव्य दिव्य बाप्पाची मूर्ती, बाप्पाच्या दर्शनासाठी लागलेल्या रांगा, केलेली रोषणाई हे सारं आकर्षण प्रत्येक मुंबईकराला भुरळ पाडत. विशेष म्हणजे अधिक लक्षवेधी बाजू म्हणजे मुंबईतल्या गणपती बाप्पांचे होणारे विसर्जन. या विसर्जनासाठी लाखो लोक मोठ्या संख्येने एकत्र येत बाप्पाला निरोप देतात. संबंध मुंबईकर हा विसर्जनासाठी गोळा होतो. (Myra Vaikul On Ganeshotsav)
भव्य अशा मिरवणुका, ढोल ताशांच्या गजरात गणरायाचं स्वागत, तसेच प्रत्येक मुंबईकर हा त्या मिरवणूक सोहळ्यात बेधुंद होऊन नाचत बाप्पाला निरोप देतो. बरं या सगळ्याचा आनंद कलाकार मंडळींनाही चुकलेला नाही हा. अनेक कलाकार मंडळी हे बाप्पाच्या विसर्जन सोहळ्यात ढोल ताशे वाजवणाऱ्या पथकांमध्ये सहभाग घेतात. तर अनेक कलाकार हे केवळ श्रद्धेपोटी बाप्पाच्या मिरवणुकीत येतात. अशीच सर्वांची लाडकी बालकलाकार मायरा वायकुळही बाप्पाच्या विसर्जन मिरवणुकीत सहभागी झाली आहे. नुकताच मायराने तिच्या इन्स्टाग्राम अकाऊंटवरून एक व्हिडीओ शेअर केला आहे.
मायराने शेअर केलेल्या या व्हिडिओमध्ये मायरा तिच्या आई वडिलांबरोबर मुंबईतल्या गणपती बाप्पाच्या विसर्जनाच्या मिरवणुकीत सहभागी झाली आहे. लोकल ट्रेनने प्रवास करून मायरा मुंबईतल्या गणपती बाप्पाच्या मिरवणुकीसाठी गेली. तिथे जाऊन ती मिरवणुकी बरीच नाचली आहे, तसेच तिच्या चाहत्यांनीही मायरासह फोटो घेतले. मायराने या विसर्जन मिरवणुकीचा मनमुराद आनंद घेतला. ‘मिरवणुकीचा आनंद वेगळाच असतो’ असं कॅप्शन देत मायराने हा व्हिडीओ शेअर केला आहे.
मायराच्या घरीही पाच दिवसांकरिता बाप्पाचं आगमन झालं होतं. घरच्या बाप्पाला निरोप देताना मायराला रडू कोसळल्याचेही पाहायला मिळाले. तिचा बाप्पाला निरोप देतानाचा तो व्हिडीओ सोशल मीडियावर वाऱ्यासारखा पसरला होता. तिचे वडील तिची समजूत काढताना व्हिडीओमध्ये दिसले. इतकेच नव्हे तर मायराने तिच्या घरच्या बाप्पाच्या विसर्जनाआधी तिने बाप्पासमोर गाऱ्हाणं देखील घातलं होतं. तिचा गाऱ्हाणं घालतानाचा व्हिडीओही सोशल मीडियावर वाऱ्यासारखा पसरला आहे.