Mumbai Crime News : ऐकावं ते नवलंच!. हो. आजकाल सतत कानावर वाईट बातम्या या येतच आहेत. कोणाबरोबर वाईट घडलं, कोणाचा अपघाती मृत्त्यू झाला तर कोणाचा रेप झाला, असं काही ना काही ऐकू येतं आणि वाटत खरंच आपल्यातली माणुसकी संपली की काय?. माणुसकी संपली हे ऐकून धक्का बसेल वा घृणा येईल अशी घटना घडलीय. हो. ज्या आजीने तळहाताच्या फोडासारखे जपले तिला जेव्हा आपली गरज असताना वरचेवर सोडणं हे लज्जास्पदच आहे. इतकंच नाही तर वाऱ्यावर म्हणजे कचराकुंडीत. ऐकून अंगावर काटाच आला. त्वचेचा कर्करोग हे कारण ठरलं. आपल्या आजीला त्वचेचा कर्करोग झाला म्हणून नातवाने तिला कचराकुंडीत टाकलं. खरंच त्याच्यातील माणुसकी संपली का?… असा सवाल त्याला धरून करावा वाटतो.
६० वर्षीय यशोदा गायकवाड यांना त्वचेचा कॅन्सर होता. यामुळे त्यांच्या नातवाने त्यांना मुंबई उपनगरमधील आरे येथील कचऱ्याच्या ढिगाऱ्यात फेकलं. यशोदा गायकवाड या मालाडमधील रहिवाशी आहेत. त्या नातावासह वास्तव्यास होत्या. सदर प्रकरणाची माहिती मिळताच पोलिसांनी यशोदा गायकवाड यांना तात्काळ रुग्णालयात दाखल केलं. सध्या कूपर रुग्णालयात यशोदा गायकवाड यांच्यावर उपचार सुरु आहेत. तसेच यशोदा गायकवाड यांच्या नातेवाईकांचा शोध सध्या पोलिसांकडून घेण्यात येत आहे. अशी प्राथमिक माहिती पोलिसांकडून मिळाली आहे.
आणखी वाचा – “म्हातारपणात वेड लागलं, सूनेचंही कौतुक करा”, म्हणणाऱ्यांना बिग बींनी फटकारलं, म्हणाले, “गांजा फुकून…”
यशोदा गायकवाड या त्यांच्या नातवासह मालाड परिसरात राहतात, अशी माहिती त्यांनी पोलिसांना दिली असून पोलीस त्यांच्या कुटुंबियांचा शोध घेत आहेत. यशोदा गायकवाड यांना बोलता येत नाही. त्या फक्त नातू-नातू असं सांगत आहे. त्यामुळे आरे पोलिसांना वृद्ध आजीचा कुटुंबियांचा शोध घेण्यासाठी अडचण निर्माण होत आहे. आरे परिसरात असलेल्या सीसीटीव्ही फुटेज आणि इतर तांत्रिक तपास करत आरे पोलीस वृद्ध आजीच्या कुटुंबीयांचा शोध घेत आहेत, अशी माहिती आरे पोलीस स्टेशनचे वरिष्ठ पोलीस निरिक्षक रवींद्र पाटील यांनी दिली.
आणखी वाचा – अलका कुबल यांचा जावयही आहे पायलट, विमान अपघातात त्याचा मित्र गेला अन्…; सांगितला ‘तो’ प्रसंग
हॉस्पिटलमध्ये सुरु असलेल्या उपचारादरम्यान यशोदा यांना घरातून बाहेर काढत कचऱ्याच्या ढिगाऱ्यात नेऊन टाकलं. यावेळी त्या नातवाला इतकी वर्ष ज्या बाईने सांभाळलं, मोठं केलं याची जाणीवही झाली नसेल का?, त्या निर्दयी हृदयाने केलेलं कृत्य त्याला कधी माफ करु शकणार नाही.
