Mugdha Vaishampayan and Prathamesh Laghate Wedding : गेले काही दिवस मनोरंजन विश्वातील एक कलाकार जोडी खूपच चर्चेत आहे ते म्हणजे गायक प्रथमेश लघाटे व गायिका मुग्धा वैशंपायन. गेल्या काही दिवसांपासून या जोडीच्या लग्नाचा अनेक चर्चा सोशल मीडियावर रंगत होत्या. गेले काही दिवस त्यांच्या लग्नाआधीच्या विधींचे फोटो व व्हिडीओ सोशल मीडियावर पाहायला मिळत आहेत. तेव्हापासून अनेकांना त्यांच्या लग्नाची उत्सुकता लागून राहिली होती. अशातच नुकतीच ही जोडी विवाहबंधनात अडकली आहे. नुकताच त्यांचा विवाहसोहळा संपन्न झाला असून त्यांच्या लग्नाचे अनेक फोटो व व्हिडीओ सोशल मिडियावर व्हायरल होत आहेत. (Mugdha Vaishampayan and Prathamesh Laghate Wedding)
मुग्धा-प्रथमेश यांच्या लग्नाला त्यांच्या मित्रपरिवाराने खास हजेरी लावत या लग्नसोहळ्याला आणखी रंगत आणली. गायक रोहित राऊत, गायिका शमिका भिडे, जुईली जोगळेकर यांनी मुग्धा-प्रथमेश यांच्या लग्नाला खास हजेरी लावली आहे. नुकताच जुईलीने तिच्या इन्स्टाग्राम स्टोरीवर एक व्हिडीओ शेअर केला आहे. ज्यात मुग्धा-प्रथमेश यांच्या लग्नाचा सुंदर माहोल पाहायला मिळत आहे. जुईलीने शेअर केलेल्या व्हिडीओमध्ये मुग्धा-प्रथमेश यांची खास रांगोळी काढण्यात आली असून त्यांचा लग्नाचा अनोखा थाट पाहायला मिळत आहे.
आणखी वाचा – शुभमंगल सावधान! प्रथमेश लघाटे व मुग्धा वैशंपायनचा थाटामाटात विवाहसोहळा संपन्न, मंडपातील व्हिडीओ व्हायरल
मुग्धा-प्रथमेश यांच्या लग्नात त्यांनी पारंपरिक लुक केल्याचे पाहायला मिळत आहे. या लग्नात मुग्धाने पिवळ्या रंगाची नऊवारी साडी परिधान केली असून त्यावर साजेसा शृंगार केला आहे. तर प्रथमेशने खास पेशवाई लूक केला आहे. त्याने लाल रंगाचा धोतर, सदरा, त्यावर पिवळ्या रंगाचा शेला व पेशवाई स्टाईल पगडी परिधान करत त्याने मुग्धाच्या गळ्यात वरमाला घातली आहे. मुग्धा-प्रथमेश यांचा हा लग्नातील हा खास पारंपरिक लूक लक्षवेधी ठरत आहे.
आणखी वाचा – लाडक्या लेकीसह रुग्णालयामधून घरी परतली सई लोकूर, इतका बदलला आहे लूक, मुलीबरोबर शेअर केलेला फोटो चर्चेत
रत्नागिरीमधील चिपळूणमध्ये मुग्धा-प्रथमेश यांचा विवाह पार पडला आहे. आकर्षक रोषणाई, सुंदर रांगोळी व फुलांची आरास करत त्यांचा विवाह पार पडला आहे. या लग्नात मुग्धा-प्रथमेश दोघेही कमालीचे सुंदर दिसत असून त्यांचा पारंपरिक साज व साधेपणा या लग्नाचे मुख्य आकर्षण ठरले आहे.