गायक प्रथमेश लघाटे व गायिका मुग्धा वैशंपायन हे आजच्या तरुण पिढीतील लोकप्रिय गायक आहेत. छोट्या पडद्यावरील ‘सा रे ग म प लिटिल चॅम्प्स’ या शोमधून आपल्या गायनशैलीने त्यांनी रसिकश्रोत्यांच्या कौतुकाची थाप मिळवली. अशातच गेले काही दिवस सोशल मीडियावर ही जोडी चांगलीच लोकप्रिय झालेली पाहायला मिळाली. प्रथमेश व मुग्धा हे दोघे नुकतेच विवाहबंधनात अडकले असून त्यांच्या लग्नाच्या अनेक फोटो व व्हिडीओ सोशल मीडियावर व्हायरल झाले.
मुग्धा-प्रथमेश ही जोडी सोशल मीडियावर चांगलेच सक्रिय असतात. सोशल मीडियाद्वारे हे दोघे त्यांच्याबद्दलचे अनेक अपडेट्स चाहत्यांना देत असतात. ते दोघं गाण्याचे अनेक कार्यक्रम एकत्र करतातच, त्याबरोबरच ते एकत्र असले की एखादा गाण्याचा व्हिडिओही बनवतात आणि तो सोशल मीडियावर पोस्ट करतात. अशातच त्यांनी नुकताच एक नवीन व्हिडीओ त्यांच्या सोशल मीडियावर शेअर केला आहे.
आणखी वाचा – असा पार पडला ‘भागो मोहन प्यारे‘ फेम अभिनेत्रीच्या लेकाचा बारसा, नावाचा खास अर्थ सांगत शेअर केला फोटो
प्रथमेशने त्याच्या इन्स्टाग्राम स्टोरीवर दोघांचा एक व्हिडिओ शेअर केला आहे. यामध्ये मुग्धा गाडी चालवताना दिसत आहे तर प्रथमेश तिच्या बाजूला बसला असून तो हा व्हिडीओ शूट करत आहे. गाडीतून प्रवास करताना हे दोघे गझल ऐकत आहे आणि याचाच व्हिडिओ त्याने सोशल मीडियावर पोस्ट केला. तसेच हा व्हिडीओ शेअर करत प्रथमेशने ‘ही गझल आणि आमचा रात्री उशिराचा प्रवास’ असं म्हटलं आहे.
दरम्यान, याआधी प्रथमेश-मुग्धाने गाणं गात व्हिडीओ शूट केल्याचे पाहायला मिळाले आहे आणि हे व्हिडीओ त्यांनी सोशल मीडियावर शेअर केल्यामुळे त्यांना ट्रोलिंगचा सामना करावा लागला होता. अशातच या दोघांचा हा व्हिडीओ आता सोशल मीडियावर व्हायरल होत आहे.
