Mithun Chakraborty Daughter : मिथुन चक्रवर्ती हे मनोरंजन क्षेत्रातील नेहमीच चर्चेत असणार नाव आहे. स्टारडम आणि भारतीय सिनेमामध्ये त्यांचे योगदान अतुलनीय आहे. त्यांचे व्यावसायिक आयुष्य नेहमीच चर्चेत असताना, वैयक्तिक जीवनही चर्चेत राहिलेले पाहायला मिळाले. विशेषत: त्यांची दत्तक मुलगी दिशांनीमुळे ते चर्चेत राहिलेले दिसले. अभिनेत्याने हेलेना ल्यूकशी लग्न केले आणि चार महिन्यांनंतर ते विभक्त झाले. त्यानंतर त्यांनी योगिता बालीशी लग्न केले, त्यांना तीन मुले आहेत.त्यांची ही तीनही मुलं शोबिज उद्योगात आपले स्थान घेत आहेत. तर मिथुन यांची दत्तक मुलगी दिशांनी हिने आधीच हॉलिवूडमध्ये पदार्पण केले आहे हे फार कमी जणांना ठाऊक असेल.
दिशानी चक्रवर्ती ही मिथुन चक्रवर्ती आणि योगिता बाली यांची दत्तक मुलगी आहे. दिशानीला तीन भाऊ आहेत. महक्ष्या चक्रवर्ती, उमपय चक्रवर्ती आणि नामशी चक्रवर्ती. दिशानीचा जन्म कोलकाता येथे झाला आणि जन्मानंतर तिच्या आईवडिलांनी तिला कचर्याच्या ढिगाऱ्याजवळ सोडले. तेथे काही राहणा -या लोकांनी तिला पाहिले आणि त्यातील एकाने घरी आणले. वृत्तपत्रात या प्रकाराबद्दल वाचल्यानंतर मिथुन ताबडतोब कोलकत्ताला पोहोचले. अभिनेत्याला मुलगी दत्तक घ्यायची होती आणि त्याच्या पत्नीनेही त्यांच्या या निर्णयाचे समर्थन केले.
मिथुन आणि योगिताने औपचारिकता पूर्ण केली आणि कायदेशीररित्या दिशानीला दत्तक घेतले. तिला घरी आणल्यानंतर चक्रवर्ती कुटुंबाने तिचे नाव दिशानी असे ठेवले. दिशानी यांचे तिच्या वडिलांशी खूप जवळचे नाते आहे आणि त्यांच्यासारखीच तिने कारकीर्ददेखील बनविली. आपले प्रारंभिक शिक्षण भारतात पूर्ण केल्यानंतर, ती पुढील अभ्यासासाठी लॉस एंजेलिस, यूएसए येथे गेली. तिने ‘न्यूयॉर्क फिल्म Academy’ मधून अभिनयात पदवी प्राप्त केली.
२०१७ मध्ये, दिशानीने हॉलीवूडमध्ये ‘गिफ्ट’ शॉर्ट फिल्मसह अभिनयक्षेत्रात पदार्पण केले. २०२२ मध्ये ती दुसरी शॉर्ट फिल्म ‘द गेस्ट’मध्ये दिसली आणि यांत तिची स्तुती झाली. दिशानी माइल्स मंट्जारिस नावाच्या मुलाला डेट करत आहे. हे जोडपे सोशल मीडिया प्लॅटफॉर्मवरील त्यांच्या नात्याबद्दल उघडपणे बोलताना दिसते. अलीकडील वृत्तानुसार, मिथुन चक्रवर्ती आणि त्यांची पत्नी योगिता बाली चक्रवर्ती त्यांचा मुलगा नमशी चक्रवर्ती यांच्या ‘टोस्टेड एक कड़क लव स्टोरी’ मिनी मालिकेत दिसणार आहेत.
