Marathi Movie : सध्या मराठी सिनेविश्वात अनेक आशयघन चित्रपट रसिक प्रेक्षकांच्या भेटीस येत आहेत. अशातच आता कोकणातील कलेवर आधारित म्हणजे दशावतारावर आधारित नवाकोरा चित्रपट रसिकांच्या भेटीस येणार आहे. कोकणाची खासियत म्हणजे दशावतार. कोकणातील प्रत्येकजण दशावतार पाहण्यासाठी वेडा आहे असं म्हणणं चुकीचं ठरणार नाही. कोकणची ही संस्कृती आज जगभरात लोकप्रिय आहे. आणि याच पार्श्वभूमीवर आता या कलेला मोठं करत एक नवा कोरा सिनेमा प्रेक्षकांच्या भेटीस येत आहे. हा चित्रपट म्हणजे दशावतार.
‘झी स्टुडिओज’ प्रस्तुत आणि ओशन फिल्म कंपनी व ओशन आर्ट हाऊस निर्मित ‘दशावतार’ या आगामी मराठी चित्रपटाचे पोस्टर नुकतेच सोशल मीडियावर झळकले असून या पोस्टरने सगळ्यांचे लक्ष वेधले आहे. काळसर रंगाचे रंगवलेले रौद्र रूप, लालसर डोळे आणि विलक्षण कटाक्ष, या सगळ्यातून चित्रपटात नेमकं काय पहायला मिळणारी याची उत्कंठा अधिकच वाढते आहे.
आणखी वाचा – विराट कोहलीबरोबरच्या अफेअरच्या चर्चांवर अखेर तमन्ना भाटिया स्पष्टच बोलली, म्हणाली, “फक्त एक दिवसासाठी…”
सुबोध खानोलकर लिखित व दिग्दर्शित ‘दशावतार’ हा चित्रपट कोकणातील प्राचीन दशावतारी परंपरा आणि रहस्यमय पार्श्वभूमी यांचं मिश्रण आहे. पोस्टरमधील चेहरा प्रेक्षकांना अस्वस्थ करतोय, मात्र त्याचवेळी उत्सुकता देखील निर्माण करतोय. हे दिलीप प्रभावळकरच आहेत का? असा प्रश्न पडतो आहे आणि ते नेमके या रुपात काय करणार आहेत याचे कुतूहल निर्माण करत आहे.
आणखी वाचा – एक तास अपुरी झोपही आरोग्यासाठी घातक, होऊ शकतात ‘हे’ आजार, गंभीर समस्या अन्…
सध्या केवळ चेहऱ्याची एक झलक समोर आली असून त्यामागचं खरं रूप, त्याचा संदर्भ आणि कथा अजूनही गूढतेच्या पडद्यात दडलेली आहे. पोस्टर वरुन दिलीप प्रभावळकर यांची ही वेगळीच भूमिका असणार, याचा अंदाज येतोय पण नेमकी ही भूमिका काय असेल याची उत्कंठा आता अधिकाधिक वाढतेय. अर्थातच हे रहस्य १२ सप्टेंबरला रुपेरी पडद्यावरच उलगडेल.
