अभिनेत्री प्राजक्ता माळीने आजवर तिच्या बोल्ड व बिनधास्त व्यक्तिमत्त्वाने प्रेक्षकांची मनं जिंकली आहेत. याशिवाय ती तिच्या सौंदर्यानेही तरुणाईला भुरळ घालत असते. मालिकांमधून प्राजक्ताने आपल्या अभिनयाची छाप सोडली. सध्या प्राजक्ता ‘महाराष्ट्राची हास्यजत्रा’ या लोकप्रिय कार्यक्रमातून प्रेक्षकांच्या मनावर राज्य करत आहे. या कार्यक्रमातील प्राजक्ताच्या अभिनयामुळे तिला विशेष लोकप्रियता मिळाली आहे. (Prajakta Mali Share Cute Video)
प्राजक्ता सोशल मीडियावरही बऱ्यापैकी सक्रिय असते. नेहमीच ती ती काही ना काही खास शेअर करून चाहत्यांच्या संपर्कात राहत असते. ती तिच्या इंस्टाग्राम अकाऊंटवरून हटके फोटोशूटही शेअर करताना दिसते. याशिवाय प्राजक्ता तिच्या दोन गोड भाचीचे व्हिडीओ, नेहमीच शेअर करत असते. तिच्याप्रमाणे तिच्या दोन गोड भाचीही प्रेक्षकांच्या लाडक्या झाल्या आहेत.
अशातच प्राजक्ताने एक छान असा व्हिडीओ तिच्या इंस्टाग्राम अकाऊंटवरून शेअर केला आहे. या व्हिडीओमध्ये प्राजक्ताची भाची शिवप्रिया तिचे केस विंचरताना दिसत आहे. व्हिडीओ शेअर करत प्राजक्ताने लिहिलं आहे की, “मला मानेवरचे केस नीट विंचरता येत नसावेत, असं तीला वाटतं. म्हणून मी बाहेर जाताना आणि बाहेरून आल्यावर ती माझे केस विंचरते. म्हणून मी घरातून जायची आणि यायची ती वाट बघते. Video काढतेय कळलं की लपते (मध्ये काय बोललीस ते मलाही नाही कळलय अजून)” असं म्हणत भाचीचा केस विंचरतानाचा फोटो शेअर केला आहे.
आणखी वाचा – वनिता खरातचं मोठं स्वप्न होणार पूर्ण, स्वतःचं खुलासा करत म्हणाली, “लवकरच तो दिवस…”
प्राजक्ताची ही पोस्ट सोशल मीडियावर चांगलीच व्हायरल झाली आहे. अनेक चाहत्यांनी या पोस्टवर लाईक्स व कमेंटचा वर्षाव केला आहे. एका चाहत्याने प्राजक्ताची भाची शिवप्रिया कधी जाणार असं बोलताना दिसतेय यावरून त्याने गमतीत कमेंट करत म्हटलं आहे की, “कधी जाणार म्हणजे कधी लग्नं करुन जाणार असं विचारत असणारं” अशी कमेंट केली आहे. “गोड गोड आत्तुची गोड गोड भाच्ची” असं म्हणतं अनेकांनी प्राजक्ताच्या भाचीचे कौतुक केले आहे.