प्रत्येक कलाकार मंडळींना त्यांच्या खासगी आयुष्यातील जवळच्या व्यक्ती कायमच प्रिय असतात. बरेचदा ही कलाकार मंडळी त्यांच्या आवडत्या व जवळच्या व्यक्तींबद्दल सोशल मीडियावरून फोटो देखील शेअर करत असतात. कित्येकदा त्यांच्या आवडीनिवडी ही ते पोस्ट शेअर करत सांगत असतात. सोशल मीडियावर अशीच सक्रिय असणारी अभिनेत्री म्हणजे अभिज्ञा भावे. आजवर अभिज्ञाने तिच्या अभिनय कौशल्यामुळे प्रेक्षकांच्या मनात घर केलं आहे. इतकंच नव्हे तर मराठीसह अभिज्ञाने हिंदी सिनेसृष्टीतही नाव कमावलं आहे. छोट्या पडद्यावरील मालिकांमधून प्रकाशझोतात आलेली अभिज्ञा कायमच तिच्या वैयक्तिक आयुष्यामुळे चर्चेत राहिली. अलीकडेच अभिज्ञाच्या आजीचं निधन झालं असल्याची पोस्ट तिने सोशल मीडियावरून शेअर केली होती. (Abhidnya Bhave Emotional Post)
अभिज्ञाच तिच्या आजीसोबत स्पेशल बॉण्डिंग होत. अभिज्ञाच्या आजीने यायच्या ९३व्या वर्षी जगाचा निरोप घेतला. निधनानंतर अभिज्ञाने आजीबरोबरचा फोटो शेअर करत “मी माझ्या एकमेव सर्वात मोठ्या चाहतीला खूप मिस करेन” असं म्हटलं होतं. अभिज्ञा भावेच्या आजीचं नाव प्रमिला भावे असं होत. यानंतर आता अभिज्ञाने आजीच्या आठवणीत भावुक होत एक कविता शेअर केली आहे. सोबत तिने आजीसोबतचा एक गोड फोटोही शेअर केला आहे.
फोटोसह शेअर केलेली कविता साऱ्यांच्या मनाला स्पर्शून जात आहे. यांत तिने म्हटलं आहे की, “प्रिय आजी, माणसाच्या सहवासाची किती सवय लागते नाही? एक दिवस ती नसेल या विचाराचा विसरच पडतो. ती असताना नकोशी झालेली बडबड, ती नसताना हवीहवीशी वाटू लागते. कधीकधी सहवासात खूप वर्ष गेली असं वाटतं आणि तिच्या नसण्यात एक क्षणही वर्षासारखा वाटू लागतो. असं वाटतं की, हिच्याशिवाय कसं जगता येईल? पण, तिचा निरोप घेताच भूक लागते, तहान लागते. “
“एखादा प्रसंग बघून हसूही येतं. तिच्या आठवणींचे गोड गोफ आपण विणू लागतो. हळूहळू तिच्या आठवणीत रमायला आणि हसायलाही शिकतो. कधीकधी आश्चर्य वाटतं, माणूस हा किती विचित्र आहे ना? मी तिच्याशिवाय जगू शकत नाही असं म्हणणार, ती गेल्यावर तिच्या नसण्यात आपलं असणं शोधायला लागतो. तुझी प्रिय सोनू” असं म्हणत अभिज्ञाने कविता शेअर केली आहे.
अभिज्ञाच्या या पोस्टवर तिच्या चाहत्यांनी तसेच सेलिब्रिटींनी कमेंट करत तिच्या आजीला श्रद्धांजली दिली आहे.
