रांगडं व्यक्तिमत्त्व व जबरदस्त अभिनयशैली यामुळे प्रेक्षकांच्या मनात घर करुन राहणारा अभिनेता म्हणजे उपेंद्र लिमये. उपेंद्र यांनी आजवर अनेक मराठी चित्रपटांमध्ये महत्तपूर्ण काम करत प्रेक्षकांची मन जिंकली. इतकंच नव्हे तर मराठीसह त्यांनी हिंदी चित्रपटसृष्टीही गाजवली. काही महिन्यांपूर्वी आलेल्या ‘अॅनिमल’ या चित्रपटामुळे उपेंद्र हे बरेच चर्चेत आलेले पाहायला मिळाले. या चित्रपटातील त्यांच्या भूमिकेने साऱ्यांना वेड केलं आणि यामुळे ते लोकप्रियतेच्या शिखरावर पोहोचले. (upendra Limaye New Car)
यानंतर आता उपेंद्र लिमये पुन्हा एकदा चर्चेत आले आहेत. कारण त्यांनी नुकतीच नवी कोरी व आलिशान कार घेतली असल्याचं समोर आलं आहे. सोशल मीडियावर उपेंद्र यांचा नव्या गाडीबरोबरचा खास फोटो चांगलाच व्हायरल होत आहे. ज्याची सर्वत्र चर्चा सुरु आहे. या फोटोमध्ये उपेंद्र यांची लेक व बायको व मुलगाही त्याच्याबरोबर दिसत आहेत. नवी कार घेतल्याचा आनंद त्यांच्या चेहऱ्यावर ओसंडून वाहताना पाहायला मिळत आहे.
उपेंद्र हे सोशल मीडियाचा वापर करत नाही. सोशल मीडियावर नसण्यावरुन त्यांनी अनेकदा आपलं मत व्यक्त केलं आहे. अशातच उपेंद्र यांचा नव्या गाडीबरोबरचा फोटो व्हायरल होत आहे. यावेळी त्यांचे संपूर्ण कुटुंब आणखी एका नव्या पाहुण्याच्या स्वागतासाठी सज्ज झालेले दिसले. उपेंद्र यांनी काळ्या रंगाची खास आलिशान कार घेतली आहे. उपेंद्र यांनी ही गुडन्यूज देत साऱ्यांच्या लक्ष वेधून घेतलं आहे. उपेंद्र व त्यांच्या पत्नीने गाडीची पूजा केली. त्यानंतर उपेंद्र यांनी स्वतः गाडी ड्राइव्ह करत त्यांनी नव्या गाडीचा आनंद लुटला.
नवी कोरी महागडी कार घेल्यानंतर उपेंद्र यांच्यावर शुभेच्छांचा वर्षाव होताना पाहायला मिळत आहे. इतकंच नव्हे तर जयवंत वाडकर यांनीदेखील उपेंद्र यांचे गाडीबरोबरचे फोटो शेअर करत त्यांना व त्यांच्या कुटुंबाला शुभेच्छा दिल्या आहेत.
