मराठी मालिका व चित्रपटांतून आपल्या अभिनयासह सौंदर्याची छाप सोडणारी आणि महाराष्ट्राची क्रश म्हणून ओळखली जाणारी सर्वांची लाडकी अभिनेत्री म्हणजे हृता दुर्गुळ. मराठीमध्ये प्रेक्षकांचे मनोरंजन केल्यानंतर हृता आता हिंदीत पदार्पण करायला सज्ज झाली आहे. हृता ही लवकरच हिंदी वेब सीरिजमध्ये झळकणार आहे. ओटीटीवर प्रदर्शित होणाऱ्या ‘कमांडर करण सक्सेना’ या वेब सीरिजमधून ती प्रेक्षकांच्या भेटीला येणार आहे. काही दिवसांपूर्वीच हृताने या वेब सीरिजचा टीझर शेअर केला होता. अशातच आता तिने या सीरिजबद्दल सोशल मीडियावर खास पोस्ट शेअर केली आहे. या पोस्टद्वारे तिने तिचा आनंद व्यक्त केला आहे.
हृताने तिच्या इन्स्टाग्राम अकाऊंटद्वारे काही खास फोटो शेअर केले आहेत. या पोस्टमध्ये तिने असं म्हटलं आहे की, “माझे जीवन हे अनेक पहिल्या गोष्टींनी भरलेले आहे आणि त्याच पहिल्या गोष्टींमध्ये ही सीरिज येते. त्यामुळे ही सीरिज माझ्यासाठी एक उल्लेखनीय कामगिरी आहे. या सीरिजमध्ये पोलिस अधिकाऱ्याची भूमिका साकारताना माझा पहिलाच अनुभव आहे. तसेच ॲक्शन सीक्वेन्सचाही माझा पहिला अनुभव आणि या सर्वात महत्त्वाचे म्हणजे माझे हिंदी OTT जगात पदार्पण होत आहे. याशिवाय चांगली सुरुवात कुठली असू शकत नाही”.
आणखी वाचा – कर्क व कुंभ राशीच्या लोकांसाठी शनिवारचा दिवस लाभदायक, नोकरी-व्यवसायात होणार लाभ, जाणून घ्या…
यापुढे हृताने दिग्दर्शक, वहिनी, निर्मिती संस्था यासह तिने तिच्या संपूर्ण टीमचे आभार मानत त्यांच्याविषयी कृतज्ञता व्यक्त केली आहे. तसेच देवाने निर्माण करून दिलेल्या या संधीसाठी तिने कृतज्ञतेची भावना व्यक्त केली आहे. तिच्या या पोस्टखाली तिला अनेक चाहत्यांनी तिच्या नवीन वेबसीरिजसाठी व हिंदीतील ओटीटीमधील पदर्पणासाठी शुभेच्छा दिल्या आहेत. मराठीतील अनेक कलाकारांनीही तिला तिच्या या नवीन कामगिरीसाठी शुभेच्छा दिल्या आहेत.
आणखी वाचा – विरोचकामुळे नेत्राच्या बाळाच्या जीवाला धोका, देवीआई रक्षण करणार का? की विरोचकच नवीन डाव साधणार?
दरम्यान, ‘फुलपाखरू’ या मालिकेमुळे हृता दुर्गुळे ही घराघरात पोहचली. तर, ‘मन उडू उडू झालं’ मालिकेतील तिची भूमिका चांगलीच गाजली. त्यानंतर ‘अनन्या’, ‘टाईमपास-३’, ‘कन्नी’, ‘सर्किट’ या चित्रपटात तिने दमदार भूमिका साकारल्या. मराठी मालिका कमाल दाखवल्यानंतर हृता आता हिंदी वेब सीरिजमध्ये झळकणार आहे. हृता आता ‘कमांडर करण सक्सेना’ या वेबसीरिज मधून ओटीटी विश्वात आणि हिंदी सिनेविश्वात झळकणार आहे.
