genelia deshmukh riteish deshmukh : मराठी अभिनेता रितेश देशमुखचा आज वाढदिवस आहे. सोशल मीडियावर त्याच्या चाहत्यांकडून यंदाच्या त्याच्या वाढदिवसाला शुभेच्छांचा वर्षाव होताना पाहायला मिळत आहे. यादरम्यान, रितेशच्या वाढदिवसानिमित्त त्याची पत्नी अभिनेत्री जिनिलिया देशमुखची पोस्ट साऱ्यांचं लक्ष वेधून घेताना दिसली. जिनिलियाने पोस्ट शेअर करत रितेशसाठी प्रेम व्यक्त केलं. जिनिलिया आणि रितेश देशमुखची जोडी संबंध महाराष्ट्रात दादा-वहिनी म्हणून ओळखली जाते. रितेश-जिनिलियाचा खूप मोठा चाहतावर्ग आहे. सोशल मीडियावरही ही जोडी नेहमीच सक्रिय असलेली पाहायला मिळाली आहे. एकमेकांबरोबरचे फनी व्हिडीओ ते नेहमीच शेअर करतात.
आता वाढदिवसाचे औचित्य सध्या जिनिलीया पोस्ट शेअर करत रितेशला म्हणते, “My Dearest. मला माहीत आहे की, आम्हाला गेली अनेक वर्षे ओळखणाऱ्या प्रत्येकाला असं वाटतं की, लग्नाला इतकी वर्षे होऊनही आम्ही एकमेकांबरोबर तेवढेच आनंदी कसे काय असतो. आमचं नातं इतकं अतूट कसं? पण, आज याचं उत्तर मी सर्वांना सांगणार आहे याचं कारण आहेस ‘तू’! हे सगळं तुझ्यामुळे शक्य झालं आहे”. जिनिलीयाने त्यांच्या सुखी संसाराचं क्रेडिट रितेशला देत ही पोस्ट वाढदिवसानिमित्त केली आहे.
आणखी वाचा – ‘धुरंधर’च्या गाण्यावर नम्रता संभेरावचा Madness, नाचताना भिंतीवर जाऊन आदळली अन्…; व्हिडीओ व्हायरल
“तू माझं प्रेम आहेस, तू माझ्या आयुष्यात आलास हे माझं भाग्यच आहे. तू मला हसवतोस. कधी माझ्या डोळ्यातून अश्रू आले तर ते तू पुसतोस. रितेश तू प्रत्येकाला आपलंसं करुन घेतोस. तुझ्या संपर्कात आलेल्या प्रत्येकाचं हेच म्हणणं आहे. माझ्याबद्दल सांगायचं झालं तर, माझ्या पाठिशी तू २४ तास, आठवड्याचे सातही दिवस खंबीरपणे उभा असतोस. अजून काय हवं? ज्याचं मन सोन्यासारखं आहे अशा व्यक्तीकडून तुम्हाला पाठिंबा मिळतोय यापेक्षा दुसरं सुख नाही. तुला माहिती आहे का मी दररोज, प्रत्येक मिनिटाला, प्रत्येक सेकंदाला तुझ्यासाठी कोणतंही सेलिब्रेशन करेन. कारण, तू यापेक्षा खूप काही डिझर्व्ह करतोस. वाढदिवसाच्या खूप खूप शुभेच्छा My Heartbeat! माझं हृदय तुझ्याकडे आहे आणि ते कायम तुझ्याकडेच जपून ठेव”, अशी रोमँटिक पोस्ट शेअर केली आहे.
