onkar raut : ‘महाराष्ट्राची हास्यजत्रा’ या लोकप्रिय रिऍलिटी शोने आजवर अनेक नवोदित कलाकारांना मोठा प्लॅटफॉर्म मिळवून दिला. या रिऍलिटी शो मुळे अनेक कलाकारांना खऱ्या अर्थाने लोकप्रियता मिळाली. ओंकार राऊत, निखिल बने, शिवाली परब, प्रथमेश शिवलकर, वनिता खरात, रोहित माने यांसारखे अनेक कलाकार घराघरांत पोहोचले. या कलाकारांचा खूप मोठा चाहतावर्ग आहे. इतकी प्रसिद्धी मिळूनही आजही या कलाकारांचे जमिनीवर पाय आहेत. अशातच आता ओंकार राऊतने नुकतीच एका पाॅडकास्टला मुलाखत दिली. या मुलाखतीदरम्यान ओंकारने हास्यजत्रेबद्दल भाष्य केलं आहे.
ओंकार राऊतने नुकतीच MHJ Unplugged या पाॅडकास्टला मुलाखत दिली. या मुलाखतीदरम्यान ओंकारला “तुझ्यासाठी हास्यजत्रा काय आहे?”, असा प्रश्न विचारण्यात आला. त्यावर अभिनेता म्हणाला की, “प्रेम… हास्यजत्रा माझ्यासाठी प्रेम, संधी आणि माझं कुटुंब आहे. खरंतर हास्यजत्रेबद्दल काय बोलणार ना? त्यांनी मला सगळं दिलं. आई-बाबा कोण आहेत तुझ्यासाठी असं विचारलं तर आपण नाही सांगू शकत की, आई-बाबा कोण आहेत आपल्यासाठी. तर तसं हे आहे”.
आणखी वाचा – ‘लक्ष्मी निवास’ फेम मेघन जाधव लवकरच अडकणार लग्नबंधनात, दिली प्रेमाची कबुली, होणारी पत्नीही आहे अभिनेत्री
पुढे तो म्हणाला, “जेव्हा कोणाकडे काम नव्हतं, तेव्हा माझ्याकडे काम होतं. का? हास्यजत्रामुळे. कोव्हिडमध्ये सगळे घरी होते, मी काम करत होतो. पैसे येतायत वैगरे, तो नंतरचा भाग आहे. पण तेव्हा काम होतं. लोकांना बाहेर जायचं होतं, तेव्हा मी काम करत होतो. कारण, मी हास्यजत्रेमध्ये होतो. हास्यजत्रेने ओळख दिली, प्रेम दिलं. मला अजूनही वाटतं, मी माणूस म्हणून तेवढ्या लायकीचा नाहीये, जेवढं प्रेम मला लोक देतायत”.
आणखी वाचा – शिल्पा शेट्टीच्या आईची प्रकृती बिघडली, हॉस्पिटलमध्ये दाखल, अभिनेत्री रुग्णालयात धावत पळत जाताना दिसली आणि…
शेवटी तो म्हणाला, “मी खूप ग्रेट समजतो, या सगळ्या गोष्टीला, हास्यजत्रेला. तुम्ही डिझर्व्ह पण करत नाहीत, तेवढं प्रेम ते देतात. खरं सांगायचं तर, मी नाही हे प्रेम डिझर्व्ह करत. कारण, मला माहितीये मी माणूस म्हणून कसा आहे. पण तरी लोक ते प्रेम देतात आणि त्यानंतर बदलण्याची जी जबाबदारी वाढते ना. हास्यजत्रेनं ते केलं. मी माणूस म्हणून खूप बदललो”.
