‘बिग बॉस १७’ च्या यंदाच्या पर्वात सुरुवातीपासूनच वाद सुरु झाले आहेत. स्पर्धकांमध्ये वर्षीची लढत पाहायला मिळतेय. अशातच सना रईस खान आणि अभिषेक कुमार यांच्यात जोरदार वाद झालेला पाहायला मिळाला. सर्वजण बागेत बोलत असताना ‘बिग बॉस’ने सनाला माईक नीट घालण्यास सांगितले. यावर अभिषेकने विनोद केला ज्याचा सनाला राग आला. अभिषेकला उत्तर देत सना म्हणाली, ती त्याच्यासारखी फुटेज घेणारी नाही आहे, यावरून त्यांच्यात जोरदार वादावादी झाली. (Bigg Boss 17 Update)
अभिषेक कुमार यावेळी सांगताना दिसला की, “जेव्हापासून सनाला नॉमिनेट करण्यात आले आहे, तेव्हापासून तिच्या वागणुकीत बदल झाली आहे. सना विकीने सांगितलेली प्रत्येक गोष्ट पुन्हा सांगत होती”, असा दावाही त्याने केला. त्यामुळे सना चिडली आणि नंतर ती विकी जैनसोबत बोलू लागली. सना व विकी जैन बोलत असताना मन्नारा चोप्रा आणि अनुराग डोवाल त्यांना पाहतात. मन्नारा अनुरागला ‘विकी सनाशी कसं बोलतोय’ हे बघायला सांगते. त्यानंतर ती विकी व सनाच्या पूर्वीच्या संभाषणाबद्दल सांगते, त्यांनी असा दावा केला होता की, अंकिता लोखंडे त्यांच्या नात्याबद्दल असुरक्षित आहे. मन्नाराने अनुरागला पुढे असेही सांगितले की, तिला वाटते की सना विकी जैनला पसंत करतेय.
आजच्या भागात असेही पाहायला मिळणार आहे की, ‘बिग बॉस’ने स्वयंपाकघरातील स्वयंपाकाशी संबंधित नवीन नियमावली जाहीर केली होती. बिग बॉसच्या नियमानुसार स्वयंपाकघर दिवसातून फक्त तीन वेळा चालेल, तेही मर्यादित कालावधीसाठी आणि प्रत्येक खोलीतील लोक फक्त त्यांच्या खोलीसाठी अन्न शिजवतील. अशातच काही खोल्यांमधील लोकांना अन्न शिजवण्यासाठी कमी वेळ मिळाला आणि गॅस बंद झाला, त्यामुळे ते संतापले. त्यानंतर अंकिता लोखंडे आणि ऐश्वर्या शर्मा यांनी रात्रीचे जेवण अगोदरच तयार करण्याचे ठरवले जेणेकरून त्यांचा गॅस संपल्यावर थोडा वेळ वाचू शकेल. यामुळे ‘बिग बॉस’ यांच्यावर चिडले आणि त्यांनी १२ मिनिटांसाठी गॅस पुरवठा खंडित केला.
शेवटी मन्नारा चोप्राचा संपूर्ण दिवस चढ-उतारांनी भरलेला पाहायला मिळाला. शिवाय अंकिता लोखंडे, खानझादी आणि मुनावर फारुकी यांच्याशी तिचा विकोपाला गेलेला वादही पाहायला मिळाला. मात्र, नंतर मन्नारा व मुनव्वर यांनी आपापसात सर्वकाही जुळवून घेतले.
