neha gadre baby boy face reveal : सिनेविश्वात अशी अनेक कलाकार मंडळी ज्यांनी मराठी मालिकांमध्ये एक काळ गाजवला आणि त्या अचानक मालिकाविश्वातून गायब झाल्या. बऱ्याच अभिनेत्रींनी अभिनय क्षेत्राला राम राम करत घर, संसार, मुलांकडे लक्ष दिलं. तर काहींनी ब्रेकनंतर काही वर्षांनी पुन्हा एकदा कमबॅक केलं. काही अभिनेत्री अशाही आहेत ज्यांनी मनोरंजनसृष्टीपासून दूर राहत आपापल्या संसाराला लागल्या आहेत. मराठी इंडस्ट्रीपासून दूर जाऊन परदेशात स्थायिक झालेली अशीच एक अभिनेत्री म्हणजे नेहा गद्रे. नेहाने मालिकांचा एक काळ गाजवला मात्र लग्नानंतर तिने भारताला बाय बाय करत परदेश गाठलं.
नेहा सध्या ऑस्ट्रेलियामध्ये स्थायिक आहे. लग्नानंतर ती तिच्या नवऱ्यासह परदेशात स्थायिक झाली. सिनेविश्वात कार्यरत असताना नेहाने ‘मन उधाण वाऱ्याचे’, ‘अजूनही चांद रात आहे’ या मालिकांमध्ये साकारलेल्या महत्त्वपूर्ण भूमिकांमुळे नेहा चर्चेत आलेली पाहायला मिळाली. ‘मोकळा श्वास’ या चित्रपटामुळे तिला खऱ्या अर्थाने सिनेसृष्टीत नाव मिळालं, या मालिकेतील तिची भूमिका बरीच गाजली. २ मार्च २०१९ रोजी नेहाने ईशान बापटशी लग्न केले आणि ती कायमची परदेशात ऑस्ट्रेलिया येथे स्थायिक झाली.
गेल्या वर्षी ऑस्ट्रेलियाच्या समुद्रकिनाऱ्यावर बेबी बंपसह तिने फोटो शेअर करत आनंदाची बातमी दिली. याशिवाय बेबी शॉवरला तिने जेंडरही रिव्हील केलं. त्यानंतर काही महिन्यांतच ती आई झाली आणि तिने मुलाला जन्म दिला. नेहा गद्रेने तिच्या बाळाचं नाव इवान असं ठेवलं. १० फेब्रुवारीला इवानचा जन्म झाला होता. यानंतर बरोबर ८ महिन्यांनी अभिनेत्रीने तिच्या मुलाचा चेहरा सोशल मीडियावर रिव्हिल केला आहे.
“भेटा आमच्या चिमुकल्या बाळाला… हॅलो इवान. आज आमचं बाळ ८ महिन्यांचं झालं आहे…” असं कॅप्शन देत नेहाने हा व्हिडीओ सोशल मीडियावर शेअर केला आहे. नेहाच्या चाहत्यांसह मराठी सेलिब्रिटींनी तिच्या या व्हिडीओवर कौतुकाचा वर्षाव केला आहे.
