Malyalam Actress allegation on politician : मल्याळम अभिनेत्री रिनी एन जॉर्ज यांनी अलीकडेच दावा केला आहे की केरळच्या अग्रगण्य राजकीय पक्षाच्या एका तरुण नेत्याने तिला आक्षेपार्ह संदेश पाठविले. इतकेच नव्हे तर तिने अभिनेत्रीला पंचतारांकित हॉटेलमध्ये येण्याची ऑफरही दिली. रिनी एन जॉर्जने नेत्याचे नाव घेण्यास नकार दिला. बुधवारी, २० ऑगस्ट रोजी त्यांनी हा दावा मीडिया संवादात केला. ‘हिंदुस्तान टाईम्स’ च्या वृत्तानुसार, मल्याळम फिल्म स्टार रिनी एन जॉर्ज म्हणाली की, त्यांनी नेत्याला अनेक वेळा इशारा दिला आणि त्या पक्षाच्या वरिष्ठ अधिकाऱ्यांकडे तक्रार केली, परंतु नेता बदलला नाही. रिनीने नेत्याचे नाव सांगण्यास वारंवार नकार दिला. असे म्हटले जात आहे की जो नेता बोलत आहे तो एक आमदार आहे.
रिनी एन जॉर्ज यांनी माध्यमांशी संभाषणात म्हटले आहे की, “त्या नेत्याकडून आक्षेपार्ह संदेश यायचे. याशिवाय त्याने मला भेटायलाही बोलावले. जेव्हा मी त्याला धमकी दिली तेव्हा मला पुढे जाण्याचे आव्हान केले”. रिनी म्हणाली की, तिने त्या नेत्याला अनेक वेळा इशारा दिला आणि पक्षाच्या वरिष्ठ नेत्यांकडे त्याच्याबद्दल तक्रारही केली, परंतु तरीही कोणतीही ठोस कारवाई झाली नाही आणि त्याचे वर्तन बदलले नाही. वारंवार विनंती करूनही तिने नेत्याची ओळख उघड केली नाही.
रिनी म्हणाली, “त्या नेत्याने मला अश्लील मॅसेज पाठवले आणि मला एका विशिष्ट ठिकाणी भेटण्यास सांगितले. मी त्याला थांबवले आणि धमकी दिली तेव्हा त्याने मला आव्हान दिले आणि म्हटले, “जा, ज्याला सांगायचे आहे त्याला सांग, कोणालाही फरक पडत नाही”. अभिनेत्रीने असेही सांगितले की, ती सोशल मीडियाद्वारे त्या नेत्याच्या संपर्कात आली होती आणि हे सर्व सुमारे तीन वर्षांपूर्वी सुरु झाले. त्या नेत्याने तिला शेवटचा मेसेज फेब्रुवारी २०२५ मध्ये केला होता. रिनी म्हणते की, जेव्हा नेत्याने तिला पहिल्यांदा हॉटेलमध्ये बोलावण्याबद्दल बोलले तेव्हा तिने त्याचा तीव्र विरोध केला. पण, काही दिवसांनी पुन्हा तेच सुरु झाले.
आणखी वाचा – “नोरा फतेहीसारखी फिगर हवी”, नवऱ्याच्या मागणीने पत्नी त्रस्त, दिवस-रात्र जिमला पाठवायचा, उपाशी ठेवायचा आणि…
रिनी पुढे म्हणाली, “जेव्हा हे सर्व घडले, तेव्हा मला आशा होती की पक्षातील वरिष्ठ लोक मला मदत करतील. परंतु, असे काहीही घडले नाही. माझ्या तक्रारींकडे दुर्लक्ष केले गेले. आता मला असे वाटू लागले आहे की माझ्या मनात त्या पक्षाची जी प्रतिमा होती ती पूर्णपणे तुटली आहे”.
