‘महाराष्ट्राची हास्यजत्रा’ या कार्यक्रमाने संपूर्ण जगाला वेड लावलं आहे. या कार्यक्रमातील कलाकारांचे लाखो चाहते दिवाने आहेत. अशातच अभिनेत्री वनिता खरात हिने आजवर तिच्या विनोदी अभिनयाने प्रेक्षकांची मन जिंकली आहेत. वनिता खरात गेल्या वर्षी लग्नबंधात अडकली. गेल्या वर्षी २ फेब्रुवारी रोजी वनिताने तिचा बॉयफ्रेंड सुमित लोंढेशी लग्नगाठ बांधली. मोजक्या नातेवाईक व मित्रपरिवाराच्या उपस्थितीत वनिता व सुमित यांचा हा लग्नसोहळा पार पडला. (Vanita Kharat Post)
वनिताच्या लग्नाचे विविध फोटो व व्हिडीओ व्हायरल झाले होते. काल वनिता व सुमित यांच्या लग्नाला एक वर्ष पूर्ण झालं. वनिताने लग्नाला एक वर्ष पूर्ण होताच एक खास पोस्ट सोशल मीडियावरुन शेअर केली आहे. यावेळी अभिनेत्रीने तिच्या लग्नातील एक खास फोटो शेअर करत नवऱ्याला शुभेच्छा दिल्या आहेत. “लग्नाच्या पहिल्या वाढदिवसाच्या खूप खूप शुभेच्छा पार्टनर” असं कॅप्शन देत अभिनेत्रीने हा खास क्षण चाहत्यांसह शेअर केला आहे.
वनिताच्या या पोस्टवर अनेक कलाकार मंडळींनी तसेच, वनिताच्या चाहत्यांनी दोघांना लग्नाच्या वाढदिवसाच्या शुभेच्छा दिल्या आहेत. वनिताने तिच्या लग्नासाठी पांढऱ्या रंगाची साडी नऊवारी साडी, डिझायनर ब्लाऊज व पैठणी शेला असा मराठमोळा लूक केला होता. त्याबरोबर तिने पारंपरिक दागिनेही परिधान केले होते. तर सुमितने शेरवानी व फेटा असा शाही लूक केला होता. तर रिसेप्शनसाठी दोघांनी वेस्टर्न लूक केलेला पाहायला मिळाला.
वनिता व सुमितच्या लग्नात ‘महाराष्ट्राची हास्यजत्रा’ शोमधील अनेक कलाकारांनी हजेरी लावली होती. या कलाकारांनी त्यांचा लग्नात केलेल्या खास डान्सचीही चांगलीच चर्चा रंगलेली पाहायला मिळाली. वनिता व सुमित सोशल मीडियावर बऱ्यापैकी सक्रिय असतात. नेहमीच ते काही ना काही शेअर करत चाहत्यांच्या संपर्कात राहत असतात. लग्नाच्या पहिल्या वाढदिवसानिमित्त शेअर केलेल्या या खास पोस्टने सर्वांचं लक्ष वेधलं आहे.
