maharashtrachi hasya jatra : मालिकाविश्वातील सर्वात विनोदी आणि नेहमीच प्रेक्षकांच मन जिंकणारा कार्यक्रम पुन्हा भेटीस येत आहे. हो. हा कार्यक्रम महणजे ‘महाराष्ट्राची हास्यजत्रा’. या विनोदी कार्यक्रमाचा चाहता वर्ग फारच मोठा आहे. केवळ भारतातच नाही तर संपूर्ण जगभरात या शोचे दिवाने आहेत. त्यामुळेच या कार्यक्रमाचे काही शो परदेशात ही केले गेले आहेत. या कार्यक्रमातील सगळ्याच कलाकारांची एकमेकांशी खूप चांगली मैत्री असलेलीही त्यांच्या सोशल मीडियावरुन कळते. ऑनस्क्रीनच नाही तर ऑफस्क्रीन सुद्धा या सर्व कलकारांमध्ये खूप चांगलं बॉंडिंग आहे. याची झलक प्रेक्षकांना प्राजक्ता माळीने शेअर केलेल्या व्हिडीओमधून पुन्हा एकदा पाहायला मिळाली आहे.
‘महाराष्ट्राची हास्यजत्रा’ कार्यक्रमाच्या सर्व कलाकारांनी एकत्र येत एक छोटंसं गेट टु गेदर केलं आणि यावेळी ते एन्जॉय करताना दिसले. प्राजक्ताच्या इन्स्टाग्राम स्टोरीवर या भेटीचा व्हिडीओ शेअर करण्यात आला आहे. गेल्या काही वर्षापासून प्राजक्ता या कार्यक्रमाची निवेदिका म्हणून काम पाहतेय. ज्यामध्ये प्राजक्ताच हसण, तिची निवेदनाची शैली, ‘वाह दादा वाह’ म्हणणं या सगळ्या गोष्टी प्रेक्षकांच विशेष लक्ष वेधून घेतात. प्राजक्ताने शेअर केलेल्या व्हिडीओमध्ये हास्यजत्रेचे सगळे कलाकार एकत्र बसून गाण्यांची मैफिल एन्जॉय करत असल्याचं पाहायला मिळालं.
आणखी वाचा – अवयवदानासाठी रितेश-जेनेलियाचा मोठा निर्णय, मांसाहारी सोडलं आणि…; फिटनेससाठी घेतात विशेष मेहनत
या गेट-टूगेदरला समीर चौघुलेंनी सुंदर जुनं गाणं गायलं. यावेळी हास्यजत्रेचे अन्य कलाकार देखील उपस्थित होते. समीर चौघुले गात असताना अभिनेता निखिल बने याने म्युझिक ड्रम वाजवून त्यांना साथ दिली.या मैफिलीत अरुण कदम, प्रभाकर मोरे, ईशा डे, सचिन गोस्वामी, समीर चौघुले, निखिल बने, प्रथमेश शिवलकर, प्रियदर्शिनी इंदलकर, शिवाली परब, चेतना भट, रसिका वेंगुर्लेकर अशा सगळ्या कलाकारांची झलक पाहायला मिळाली.
यानंतर आता हास्यजत्रेतील कलाकारांचा एक तुफान डान्स व्हिडीओ साऱ्यांचं लक्ष वेधून घेत आहे. यांत ही कलाकार मंडळी “सुटला माझा पदर बाई मी नव्हते ध्यानात, काळूबाईचं वारं माझ्या भरलं अंगात’, या सध्या ट्रेंडमध्ये असलेल्या गाण्यावर ठेका धरताना दिसत आहेत. त्यांचा हा डान्स व्हिडीओ पाहून अनेकांना हसूही अनावर झालं आहे. सगळ्याच कलाकारांनी बेभान होऊन या गाण्यावर डान्स करत धमाल केलेली दिसली. तर अनेक चाहत्यांनी त्यांच्या या डान्स व्हिडीओला पसंती दर्शविली आहे.
