सध्या सर्वत्र गणेशोत्सवाची धामधूम पाहायला मिळतेय. सर्व सामान्यांपासून ते कलाकार मंडळींपर्यंत प्रत्येकजण गणेशाची भक्तिभावाने आराधना करतोय. सर्वत्र गणरायाच्या आगमनाने उत्साहाचे वातावरण पाहायला मिळतंय. एकमेकांच्या घरी जाऊन बाप्पाचे दर्शन घेत आहेत. या उत्साहाच्या वातावरणाचा आनंद सगळ्यांच्या लाडक्या सलमान खानने ही घेतला आहे. सलमान खानने त्याची बहीण अर्पिता खानच्या घरी जाऊन बाप्पाचे दर्शन घेतले आहे. आता मराठी कलाकारांपाठोपाठ बॉलिवूडकरांनाही गणेशोत्सवाची भुरळ पडली आहे. (Salman Khan And Eknath Shinde)
बरं यावेळी सलमान खान एकटाच अर्पिताच्या घरी दर्शनाला गेला नाही आहे. सलमान खान महाराष्ट्राचे मुख्यमंत्री एकनाथ शिंदे यांच्यासह अर्पिताच्या घरी दर्शनास पोहोचले आहेत. दरम्यान अर्पिताच्या घराबाहेरील सलमान खान व एकनाथ शिंदे यांचे एकत्र पोज देतानाच फोटोस सोशल मीडियावर वाऱ्यासारखे पसरले आहेत. सलमान व एकनाथ शिंदेचे अनेक फोटो व व्हिडीओ पापाराझींद्वारे सोशल मीडियावर व्हायरल करण्यात आले आहेत. यावेळी सलमानने काळी पँट व निळा शर्ट परिधान केला असून मुख्यमंत्री एकनाथ शिंदे यांनी पांढऱ्या रगांचे कपडे परिधान केले होते.
सलमान खानच त्याची बहीण अर्पिता खानवर विशेष प्रेम आहे. तो कायमच तिच्या आनंदाच्या व दुःखाच्या वेळी तिच्याबरोबर असतो. सलमान खानने त्याची बहीण अर्पिता खानच्या सासरी गणरायाचं दर्शन घेण्यासाठी हजेरी लावली होती. अर्पिता खान ही आयुष शर्माबरोबर विवाहबंधनात अडकली.
बॉलिवूडकर ही आता गणेशोत्सव धुमधडाक्यात साजरा करताना दिसतात. शिल्पा शेट्टी, सलमान खान, शाहरुख खान, कार्तिक आर्यन, सारा अली खान यांच्या घरी गणरायाचे आगमन झाले आहे. याशिवाय अनेक सेलिब्रिटी लालबागचा राजाचे दर्शन घेताना दिसत आहेत, तसेच अनेक कलाकार मंडळींनी उद्योजक मुकेश अंबानी यांच्या घरी आगमन झालेल्या गणरायाचे दर्शन घेतले.
