Dnyanada Ramtirthkar : छोट्या पडद्यावरील ‘ठिपक्यांची रांगोळी’ या मालिकेमुळे घराघरांत पोहोचलेली अभिनेत्री म्हणजे ज्ञानदा रामतीर्थकर. ज्ञानदाने आजवर अनेक भूमिकांमधून रसिकांच्या मनात घर केलं. सध्या ज्ञानदा ‘लग्नानंतर होईलच प्रेम’ या मालिकेमुळे चर्चेत आहे. मात्र आता ती आणखी एका गोष्टीमुळे चर्चेत आली आहे. ते म्हणजे तिचं लग्न. ज्ञानदाची सध्या लगीनघाई सुरु झाल्याचं पाहायला मिळत आहे. काही महिन्यांपूर्वी साखरपुड्याचे फोटो शेअर करत तिने चाहत्यांना सुखद धक्का दिला. आता ही अभिनेत्री बोहोल्यावर चढण्यास सज्ज झाली आहे. अभिनेत्रीचा हळदी समारंभ थाटामाटात पार पडला असल्याचं समोर आलं आहे.
ज्ञानदाच्या हळदीचे फोटो, व्हिडीओ समोर आले आहेत. यांत ज्ञानदाला तिच्या होणाऱ्या नवर्याच्या नावे हळद लागली आहे. दोघेही हळदीसाठी खूप आनंदी असल्याचं दिसत आहे. पारंपरिक वेशात दोघेही दिसत आहेत. ज्ञानदाने यावेळी पिवळ्या रंगाची काठपदरची साडी नेसली आहे. आणि मोजके दागिने परिधान करत तिने हा लूक पूर्ण केला आहे. तर हर्षदही पांढरा कुर्ता, पायजमा परिधान करत नवरा मुलगा म्हणून उठून दिसला.
ज्ञानदाच्या मेहंदीचेही अनेक फोटो समोर आले आहेत. ज्ञानदाच्या हातावर हर्षदच्या नावाची मेहंदी रंगली आहे. मेहंदीमध्ये ज्ञानदाने हर्षदच नावही लिहिलेल दिसलं. गेली सहा ते सात वर्ष हर्षद व ज्ञानदा रिलेशनशिपमध्ये आहेत. आता दोघेही लग्नबंधनात अडकत त्यांच्या नव्या संसाराला सुरुवात करणार आहेत.
